Popular Bible Verses from Openboarunk 22

Share

Ekj sie daut A (Alfa) un daut Oo (Omega), de Ieeschta un de Latsta, de Aunfank un daut Enj.

Kjikj, ekj kom boolt, un mien Loon met mie, om eenem jiedrem to vejelten, woo sien Woakj sennen woat.

Un de Jeist un de Brut sajen: Komm! Un wäa daut hieet, saj: Komm! Un wäm doa darscht, dee komm; wäa doa well, nemm daut Läwenswota emsonst.

Seelich, dee äare Kjleeda woschen, doamet see een Rajcht ha aun däm Läwensboom un derch de Dooasch en de Staut nengonen.

Un kjikj, ekj kom boolt. Seelich, dee doa bewoat dee Wieed de Profeetie von dit Buak.

Un Nacht woat nich mea sennen un kjeen Licht von eene Laump un daut Licht von de Sonn es nich needich; dan de Har, Gott, woat äwa an dachen, un see woaren harschen von Eewichkjeit to Eewichkjeit.

Dee dise Dinj bezeicht, sajcht: Jo, ekj kom boolt. - Amen; komm, Har Jesus! De Jnod von däm Harn Jesus [Christus] es met aule Heilje!

Ekj bezeij jiedrem, dee de Wieed de Profezeiunk von dit Buak hieet: Wan wäa to dise Dinj doatoo deit, soo woat Gott am de Ploagen doatoo doonen, dee en dit Buak jeschräwen sent; un wan wäa von de Wieed en dit Buak dise Profezeiunk wajch nemt, soo woat Gott sien Aundeel wajch nämen von däm Läwesboom un ut de heilje Staut, wuavon en disem Buak jeschräwen es.