Popular Bible Verses from Openboarunk 20

Share

Un wan wäa nich jefungen wort em Läwensbuak jeschräwen, soo wort hee em Fiasee jeschmäten.

Un ekj sach de Doodje, de Groote un de Kjliene, ver däm Troon stonen, un Bäakja worden opjemoakt; un een aundret Buak wort opjemoakt, daut et Läwensbuak es. Un de Doodje worden jerecht no daut, waut en dee Bäakja jeschräwen wia, no äare Woakjen.

Un daut Mäa jeef de Doodje, dee doabennen wieren, un de Doot un daut Doodenrikj (griechisch: Hades) jeewen de Doodes, dee doabennen wieren, un see worden jerecht, een jiedra no siene Woakjen. Un de Doot un daut Doodenrikj (griechisch: Hades) worden em Fiasee jeschmäten. Dit es de tweeda Doot, de Fiasee.

Un ekj sach eenen groote witten Troon un däm, dee doabowen saut (sett), ver däm sien Aunjesecht de Ieed wajch rand un de Himmel, un kjeen Plauz (Uat, Städ) wort fa an jefungen.

Un wan de 1000 Joa vollbrocht (to Enj) sent, woat de Soton ut sien Jefenkjnis loosjeloten, un woat utgonen, de Velkja to veleiden, dee aun de vea Akjen de Ieed sent, Gog un Magog, toom Kjrich to vesaumlen, äare Zol es aus de Saunt aum Mäa.