Popular Bible Verses from Marcos 12

Share

Májikapapa ema Jesús: –Eta tinapuika'i eta wanairipi, eta'i eta juka: ‘Esama eti israelítana: ema eye'e Viya. Najina apanaina iákenuina, emanaichu'i ema Viya. Pémunaka ema Viya, pijaraka tamutu eta pisamure eta piachanewa, étapa eta pipanereruana.’ Jarari'iware eta apana táe'iru'i: ‘Pémunaka ema piparaepiya, tákuti eta pémunasirawa'i píti.’ Tajina apanaina wanairipina, takachurika'ini eta juka.

Taka'e ema Jesús, máichu'amuripa ena máimitureana, tási'a máichawakapa: –Íma'a esu suka esena páurechicha, jé'esare esu, tímepanawa'i eta sunakiruwa'i, sukachurikawaka'i namutu ena apamuriana achaneana tinakikawana'i, taicha namutu ena, nanakika'i eta náemacharajiana eta naplataneana. Ésusera esu suka páure'ineni, sunakika'isera tamutu eta sukaye'ekene'i. Suíta'i eta suníkawachayare'ini.

Ema Jesús, tejaka'i te tamira'u eta chapama'i nanakakuirare'i eta námawa'uana. Máimararakawaka'i ena achaneana eta nanakakuira'i eta námawa'uana. Natiari'i'i ena ríkuana, tinakikawanapa'i ichapemuri plata. Taka'e, títekapapa esu esena suépenaimakene'i, páurekene'i esu, sunakika'isera eta apipechicha'i eta suplatane, wá'ichu kamurina'ini.

Pémunaka ema Viya, pijaraka tamutu eta pisamure, eta pipanereruana, eta pitumewa, étapa eta vémunasiraina ema viparaepiya'i, takuti eta vemunasirawa'i viti, taicha wa'i takuti'ini eta víjarakasichira'i eta sárareana, eta víjuchakeneana'i. Táetavika'i taye'e eta apamuriana viámawa'uana eta me Viya.

Taka'e ema Jesús máichawakapa: –Puiti táurika'i íjaraka ema emperador eta maye'eichu'i ema emperarador, tási'a íjarakaware ema Viya, eta maye'eichu'iware ema Viya. Te nasamapa eta majikapirawaka'i, náramine'i.