Popular Bible Verses from SALAMO 103

Share

Toku agaga, tavae atu ki te Aliki, Kae sa puli foki te lasi o tena alofa.

E fakamagalo ne ia aku agasala katoa, Kae faka'lei foki ne ia oku masaki katoa. E fakasao ne ia au mai te tanuga, E fakamanuia foki ne ia au ki tena alofa mo tena alofa 'nau. E fakafonu ne ia toku olaga ki mea 'lei, Ko te mea ke tumau faeloa toku tamataene mo toku malosi pela mo se aeto.

Toku agaga, tavae atu ki te Aliki! Toku foitino katoatoa, tavae atu ki tena igoa tapu!

E pela mo te alofa o te tamana ki ana tamaliki, E pena foki te alofa o te Aliki ki tino kola e ava ki a ia.

E pela mo te 'mao o te saegala mai te togala, E pena foki te fakamao ne ia otou agasala mai i a tatou.

A te Aliki e alofa kae alofa 'nau, E tuai o ita, kae fonu i te alofa tumau.

E se fakasala ne ia tatou e tusa mo 'tou amio masei, E se taui mai foki ne ia 'tou agasala mo 'tou mea 'se. E pela mo te maluga o te lagi mai te lalolagi, E pena eiloa te lasi o tena alofa ki tino kola e ma'taku ki a ia.

E fakatu ne te Aliki a tena nofogaaliki i te lagi; A ia ko te tupu o mea katoa.