Popular Bible Verses from MALEKO 13

Share

Ka ita tino ki a koutou ona ko au. Ka ko te tino tela e taofi mau ne ia au ki te ikuga, e ola a ia.”

Ke matapula koutou, kae ke toka foki, me e se iloa ne koutou me ko afea e taunu ei a mea kona.

Kae kafai ko puke koutou ne latou o 'moli ki te fono, sa muamua o manava'se me ne a otou pati ka fai; me kafai e oko mai te taimi, fai'pati fua ki muna e tuku atu ki a koutou. Me i muna e faipati atu ne koutou, e se e a koutou; ne muna e vau mai i te Agaga Tapu.

E palele atu te lagi mo te lalolagi; kae e se mafai eiloa o palele atu aku muna.”

“E seai se tino e iloa ne ia a te oko mai o te aso tena mo te itula tena. E oko ki agelu e se iloa foki ne latou. E pena foki te Tama; ka ko te Tamana fua e iloa ne ia.

Ke se manava'se koutou, manafai ko lagona ne koutou a leo o tino taua ko pili mai io me ko tala o taua i koga 'mao. E 'tau o 'tupu a mea pena, kae se ko tona uiga me ko oko mai a te gataga.

Tela la, ke matapula koutou, me e se iloa ne koutou a te taimi e oko mai ei a te pule o te fale. E mafai o oko mai i te afiafi, i te valuapo, mai mua o te vaveao io me ko te taeao pogipogi. Kafai e oko fakavave mai, ke se maua mai koutou ne ia e 'moe. Ko te muna e fai atu ne au ki a koutou, e tena foki taku muna e fai atu ki tino katoa: Ke matapula koutou!”

E taua te sua fenua mo te sua fenua, te sua malo mo te sua malo. Ka isi ne mafuie i koga valevale, pela foki mo oge. A mea konei, e fakatusa eiloa ki te 'mae o te fafine ka fai o fanau.

E 'tau o folafola atu muamua te Tala 'Lei ki tino katoa.

E tokouke a tino ka o'mai i toku igoa kae fai ake penei, ‘Au ko ia!’ ko faka'segina ei a tino e tokouke.

“E tau mo koutou o fakaeteete. Me ka puke koutou ne tino o 'moli ki te fono. Ka kini foki koutou i loto i fale tapuaki; ka 'tu foki koutou i mua o pule, tupu ona ko toku igoa, i te folafola atu ne koutou ki a latou te Tala 'Lei.

Me ka 'sae mai a Keliso mo pelofeta 'loi. E fai ne latou ne fakailoga mo mea fakaofoofogina o fakaloiloi a tino filifilia, ki te mea e mafai ne latou.

“A te la ka pouli faeloa mai tua o aso kona, kae se toe 'pula te masina. A fetu e tatela ifo mai te lagi, ka ko mea ma'losi i te lagi ka gasue'sue foki.