Popular Bible Verses from MATAIO 13

Share

Ka ko te fuaga tela e toki i te laukele ola 'lei, ko te tino tela e lagona ne ia te muna kae maina foki i ei. Ko ia eiloa tena ka fua mai ne ia ne fuaga saito o taki tolu sefulu, taki ono sefulu, mo te taki selau.”

Ka ko te fuaga tela ne toki i va o lakau makai'kai, ko te tino tela e lagona ne ia te muna, ka ko te mea e fiafia malosi tena loto ki mea faka te olaga pela foki mo koloa; tela la, ko ola saitia te Muna a te Atua, ko seai ei ne ona fua e maua.

Ko te tino tela e lagona ne ia a te tala e uiga ki te Malo kae se maina i ei, e pau a ia mo fuaga kola ne 'to i te auala. Kafai e vau te Tino Masei, ko ave ei keatea ne ia a te mea tela ne toki i tena loto.

A te fuaga tela ne to i te koga pa'papa, ko te tino tela e lagona ne ia te muna, kae talia foki eiloa ne ia mo te fiafia; ka ko te mea e seai ne ona aka, e toetoe fua te taimi ne ola ei i tena loto. Kafai la e oko fakavave mai a puapuaga mo fakasauaga ona ko te Muna a te Atua, se mea vave foki eiloa o tiakina atu ne ia te Muna a te Atua.

“A te Malo o te lagi, e pela mo te koloa taua ne 'funa i te laukele. Ne maua ne te sua tagata, kae ne toe 'funa ne ia. Ko oko eiloa i tena fiafia, fano ei o 'togi atu ana mea katoa, mo 'togi te laukele tena.”

Ko nisi fuaga foki ne 'to ki te laukele ola 'lei, ko ola ake kae fua mai ei a nisi fuaga ki te taki tolu sefulu, taki ono sefulu mo te taki selau.”

Tuku eiloa ke ola ake talua pena, ke oko ki te aso e kati ei te saito. I te aso tena, ko muna atu ei au ki tino kati saito, ‘Unu muamua a mouku kae 'sai ki saitaga ke 'sunu, kae kati a saito kae 'luku ki loto i toku fale saito.”’