Popular Bible Verses from Maɛ 16

Share

Wɛ̀ ɔ̍ la̍a̍ dě u̍h we̍, “Mɔ̀ mu̍, mɔ̀ ple̍ kmɔ̌ la we̍, mɔ̀ iě pɔ̀n chɛ̀ la ɛ̍ tìh we̍i̍ bla̍ dě nyɔ̍ kli̍hgbɛ̍ we̍.

Jbaɛdih la bo wlùh gbaɛ blě nyɔ̍-a mu̍ po̍. U̍h-a mu̍ jeědih i̍ nu̍ dǒ ǎn nynɛ̌ kɛ̍n, u̍h-a mu̍ wlu̍ diih po̍, u̍h-a mu̍ sɛ̍ᵻ i̍ gbɛ̍n, nɛ̀ pò u̍h nǎ kanɛa nǐ ɛ̀ dbǎ-a nyɔ̍-ɛ, ɛ̍ se̍ u̍h dɛ̍ nui mu̍. Nɛ̀ pò u̍h tè poa-nyɔ̍ sɔ̍n dlǔ-ɛ, nɛ̀ u̍h-a mu̍ pǔh.”

Nyɔ̍ ɔ̀ po̍-a ɛ̍ tìh chɛ̀ wɛ̀ ɔ̍ iě nǐ dlǔ po̍-ɛ, nɛ̀ ɔ̍ mu̍ pǔh. Jɛ nyɔ̍ ɔ̀ se̍-a ɛ̍ tìh chɛ̀ po̍-ɛ, nɛ̀ kɛ̀n-a mu̍ ɔ̍ kwa̍a̍ sɔ.

Wɛ̀ u̍h mu̍ tà kli̍hgbɛ̍ u̍h-a bla̍ Nyɔsoa tìh. Nɛ̀ kǎ Joi-a po̍ u̍h sɔ̍n we̍ dǒ jbaɛdih po̍ la̍, wɛ̀ u̍h-a bla̍-a tìh iě gbɔ̀ i̍ ku̍.]

Wɛ̀ ɔ̍ la̍a̍ dě u̍h we̍, “Mɔ̀-a ku̍ bɔ̌ tlɛ̍-ɛ, ǐn juo ɛ̍-ɛ Jusu ɔ̀ sɔ-a dǒ Naaslɔɛ ɔ̀ u̍h kɔ̍-a dǒ gbàɛ̍ kɛ̍n i̍ tu̍ wlì-ɛ, ɔ̍-ɔ bo mɔ̀-a pɔ̀n i̍. Jɛ ɔ̍ wlǔh-e wɛ̀, ɔ̍ se̍ da̍a nɛ dɛ. Mɔ̀ ji̍ tà u̍h pɛ̌n-ɛa ɔ̍ i̍ de-ɛ jě.

Jɛ u̍h iě-ae gbɛ̀n-ɛ, nɛ̀ sɔɔ̌ gbo̍ klaa laa̍ ɛ̍ kli̍bo-ɛ, ɛ̍ sɔ dǒ biě-a chɛ̀ wɔ̍i̍n wɛ̀. Wɛ̀ u̍h pa̍ deě, dě u̍h jě-e jǔgbèlà due nɛ̀ ɔ̍ tè i̍ dǒ ɛ̍ di̍na̍ fɔ̌ we̍. Ɔ̍ pa̍ plɛ̀i̍ plǔ-u. Sɔ ɛ̍ tlɛ̍-ɛ u̍h-a ku̍.