Popular Bible Verses from Luu 3

Share

Nyɔ̍ kli̍hgbɛ̍ wɔ̀-a nǐ dlǔ po̍-ɛ, wɛ̀ Jusu po̍ nǐ dlǔ ke. Ɔ̍ nɛ dǒ ba̍le la̍ wɛ̀ ja̍u̍n pɔ̀ni wɔ̍i̍n. Iě Nyɔsoa-a Sùù nɛ dě gbɔ̀lǐh-a tu̍ di̍i̍, wɛ̀ ɛ̍ ji̍ wlù dǒ ɔ̍ kɛ̍n. Wɛ̀ wlu̍ sɔ dě ja̍i̍wlɔ̀, ɛ̍ la̍a̍, “Mɔ̀ ǎn tìh kma Jǔ, ǎn wlùh tè i̍ dǒ ìn we̍.”

Wɛ̀ Chɔɔn la̍a̍ dě u̍h kli̍hgbɛ̍ we̍, “Ǎn po̍ mɔ̀ nǐ dlǔ dǒ nǐ we̍, jɛ jɔ mu̍-a ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Mɔ̀ nu̍ dɛ̍ᵻ i̍h iě ɛ̍ to ka mɔ̀ poe-a gblɛ̍n sɔ̀ɛ̀n kɛ̍n i̍ wɛ̀-ɛ. Mɔ̀ bɔ̌ ka nu̍, ‘Àɔ̀ Eblaɛɛn-a nynuu̍, nɛ̀ Nyɔsoa se̍ à kàn gbɛ̍n mu̍,’ ɛ̍ nɔ̀ɔ̍, mɔ̀ bɔ̌ ɛ̍ dě di̍i̍ i̍ po̍-ɛ, dɛ̍nu̍ɛ, Nyɔsoa bɛ̌ɛ sɔɔ̌ᵻ la Eblaɛɛn-a nynuu̍ we̍i̍ nu̍-ɛ. Ɛ̍ kɔn ǎn sèàɛ̍ mɔ̀ wlùh

tòɛ̀-a chɛ̀ jě ti̍ wɛ̀ kaka ɛ̍ iě tu̍ᵻ bloɔ̍ gblǔn i̍. Ɛ̍ tìh-ɛ, tu̍ jɛ se̍-a buǒᵻ chɛ̀ po̍-ɛ, nɛ̀ ɛ̍ mu̍ dba̍-ɛ, wɛ̀ u̍h iě ɛ̍ jlǐh po̍.”

Kǎ ɛ̍ nu̍ ka chlǐh-ɛ dě Nyɔsoa-a tu̍owli po̍ nyɔ̍ Asaia-a chlǐh-dɛ̍ di̍i̍, ɛ̍ la̍a̍, “Nyɔ̍-a we̍le-e dě kwlǎslò we̍, ɔ̍ la̍a̍, ‘Mɔ̀ po̍ wìè gba̍a̍ dǒ Joi we̍, mɔ̀ slɛ̌-ɛ ɛ̍ i̍ dǒ ɔ̍ we̍. Tɔ̀ùn dlǔᵻá kli̍hgbɛ̍-a mu̍ jǐ-ɛ, tlu̍hᵻ kli̍hgbɛ̍-a mu̍ i̍ pɛ̍lɛ-ɛ. Wìè ɛ̀ klǐ-ia i̍-ɛ, ɛ̍ mu̍ i̍ slɛ̌-ɛ, iě ɛ̀ klìma̍-a ja̍i̍-ɛ, ɛ̍ iě pɛlɛpɛ nɛ. Nyɔ̍ kli̍hgbɛ̍-a mu̍ ka Nyɔsoa-a mu̍-a nyɔ̍ sèìe-ɛ nu̍-ɛ jě.’ ”