Popular Bible Verses from Nu̍-dɛ̍ᵻ 1

Share

Jɛ ti̍ Nyɔsoa-a Sùù-a mu̍-a mɔ̀ kɛ̍n gbǎ-ɛ, nɛ̀ mɔ̀-a mu̍ gbǐh blě, wɛ̀ mɔ̀ iě ǎn sàànsi̍i̍h nu̍ dǒ Juluslɛn, ɛ̍ ke Judia ke Sɛmewlea bloa̍ kli̍hgbɛ̍ kɛ̍n i̍. Ɛ̍ ke dě bloa̍-a siee la̍ ke.”

Jusu la̍a̍ dě u̍h we̍, “Nɔɔ ke ti̍ la ǐn Baa chɛ̍n-a dǒ ɔ̍ chɛ̀-a tùn we̍-ɛ, mɔ̀ se̍ i̍h nɔ̀ɔ̍ juo mu̍.

Ti̍ ɔ̍ ke u̍h gbǎ-a tàdùè-ɛ, wɛ̀ ɔ̍ sèàɛ̍ u̍h wlùh, ɔ̍ la̍a̍, “Mɔ̀ bɔ̌ dǒ Juluslɛn sɔ-ɛ, jɛ mɔ̀ fuo nyǐ-dɛ̍ kɔn wlu̍ ǐn Baa po̍-a tɔ̀ma̍a̍-ɛ, ɛ̀ kɔn tìh ǐn sèàɛ̍-a mɔ̀ wlùh-ɛ. Chɔɔn po̍ nyɔ̍ nǐ dlǔ dǒ nǐ we̍, jɛ mɔ̀ɔ̍ nɔ̀ɔ̍, wǐh gbɔ̍ iě sì-ɛ nɛ̀ Nyɔsoa-a Sùù bo ɛ̀ mu̍ nǐ nu̍ mɔ̀ iě dlǔ po̍.”

Ɔ̍ wɔ̀-a klàn tìh i̍ jě-ɛ wɛ̀-ɛ, wɛ̀ ɔ̍ to ɔ̍ chɛ̀ dě u̍h we̍. Iě ɔ̍ nu̍ dɛ̍ᵻ dɔu i̍h iě ɛ̍ we̍i̍ flɔn-ɛ ka ɔ̍ nɛ-a kmɔ̌-ɛ. Ɛ̍ nu̍ ɛ̍ wɛ̀ ɔ̍ wlǔh-i ɔ̍ kòà i̍ dǒ wǐh-a kwela nyìɛ̍ di̍i̍. Wɛ̀ ɔ̍ wlu dě u̍h we̍ dǒ Nyɔsoa-a nyɔ̍ wlu̍ i̍ kɔn dɛ we̍.

Ɔ̍ wɔ̀-a dɛ̍ laa̍ bla̍-a dě u̍h we̍-ɛ, wɛ̀ ɔ̍ dǔ-iɛ ja̍i̍. U̍h nɛ dǒ ɔ̍ kɛ̍n i̍ gbɛ̀n la̍ sǔh iě nǐgban kaɛn ɔ̍ i̍, wɛ̀ ɔ̍ mǎ-ɛ u̍h jlǐh.

Dě ɔ̍ we̍ ja̍i̍ u̍h-a jlǐh maɛ, u̍h iě-a kèle-ɛ nɛ̀ jɔ̍gbauᵻ sɔɔ̌n pa̍ jlii̍ plǔᵻ iě u̍h nyna u̍h pùn. Iě u̍h la̍a̍, “Kaladii nynuu̍, dɛ̍ kɔn da̍a mɔ̀ nyna i̍ iě mɔ̀-a gbɛ̀n dě ja̍u̍n we̍ ɛ? Jusu la ɔ̀ sà-ɛa da̍a mɔ̀ we̍ ɔ̀ gba̍-ɛa ja̍i̍wlɔ̀-ɛ, ka mɔ̀ nu̍-a ɔ̍ ja̍i̍wlɔ̀ mu̍ la̍ jě-ɛɛ, kǎ ɔ̍ mu̍ de̍ ji̍-ɛ nu̍.”