Popular Bible Verses from LUKAS 3

Share

Sanggeus jalma rea kabeh dibaptis, Yesus oge dibaptis. Waktu Anjeunna keur sembahyang, bray langit muka, tuluy lungsur Roh Suci ka Anjeunna dina wujud manuk japati. Geus kitu aya gentra kieu ti sawarga, ”Hidep teh putra kaasih Ama. Hidep matak suka kana hate Ama.”

Nu matak saur Yohanes deui, ”Ari kami mah ngabaptis ka maraneh teh ku cai. Tapi engke aya anu leuwih agung ti batan kami, mangudarkeun tali tarumpah-Na ge kami ngarasa teu layak. Anjeunna mah engke ngabaptisna teh ku Roh Suci jeung seuneu.

Tembongkeun dina tingkah laku, lampah anu nyirikeun yen maraneh geus tarobat tina dosa. Jeung ulah nyebut-nyebut yen maraneh teh turunan Ibrahim. Kaula ngabejaan, Allah iasaeun ngadamel turunan Ibrahim tina ieu batu-batu!

Kampak geus tarapti pikeun nuar tangkal tina akarna; unggal tangkal anu goreng buahanana bakal dituar, alungkeuneun kana seuneu.”

Hal ieu geus dituliskeun dina Kitab Nabi Yesaya, ungelna: ”Aya anu cumeluk di gurun keusik: ʼSadiakeun jalan keur Pangeran, jieun jalan anu lempeng pikeun Mantenna! Lebak-lebak urugan, pasir-pasir, gunung-gunung datarkeun. Anu pungkal-pengkol jieun lempeng, anu tarengtong ratakeun. Sakumna manusa bakal narenjo Allah nyalametkeun manusa!ʼ ”