Popular Bible Verses from MATIU 6

Share

Ṣigba mì din ahọludu Jiwheyẹwhe tọn, po dodó etọn po whẹ́; onú helẹ pó wẹ yè na dogọ́ hlan mì.

Enẹwutu mì yín vivẹnunọ na osọ̀ blo: na osọ̀ na yín vivẹnunọ na ede. Nupekọ hlan azán wẹ oylan etọn.

Enẹwutu yẹn dọ hlan mì, dọ, Mì yín vivẹnunọ na ogbẹ̀ mìton blo, dọ, etọ́ mì na dù podo etẹ́ mì da nù, kavi na agbasa mìtọn dọ etẹ́ mì na ṣinyọn. Bé ogbẹ̀ ma hú núdùdù, agbasa ma sọ hú avọ̀?

Ṣigba hiẹ, whenuena hie to dẹho, biọ abo towe mẹ, whenuena hiẹ sú ohọ̀n towe, hodẹ̀ hlan Otọ́ towe he mọnu nuglọ, Oto towe he mọnú nuglọ, na suahọ etọn we.

Enẹwutu le wẹ mì ni nọ hodè do: Otọ mìtọn he tin to olọn mẹ, hihiọ we oyín towe. Ahọludu towe ni wá. Ojlo towe ni yín wiwà to aigba ji, dile e te to olọn mẹ.

Na mi nudùdù egbesọ mìtọn.

Bo jo ahọ mìtọn lẹ na mi, dile mí ko jona ahotọnọ mìtọn lẹ do.

Ádike mí jẹ whlepọ́n mẹ blo, ṣigba whlẹn mí sọn ọylan mẹ Na towe wẹ ahọludu lo huhlọn po gigo po kakadoi, Niṣẹ. si.

Na eyín mì jona gbẹtọ le ylando yetọn lẹ, Otọ mìtọn olọn tọn nasọ jona mì ga

Mì: pọn ohẹ̀ he to aga lẹ; yé ma doji, mọ yé ma gbẹ̀n, mọ yé ma nọ bẹ́plì do zinhọ̀ lẹ mẹ; ṣigba Otọ́ mìtọn olọn tọn to núdù na yé. Bé mìwlẹ ma pọ́nte hú yé?

Mì bé adokunnúplina mìde to aigba ji blo, fie owán po okó po nọ hẹn en gble te, podọ fie ajotọ lẹ nọ gboado bo fìnnú te: ṣigba mì bé adékunnú pli na mìde to olọn mẹ, fie na owán kavi okọ́ ma nọ hen ẹn gble te, podọ fie ajotọ lẹ ma nọ gboadó bo sọ finnú te: na fié adọkunnú towe tin te, finẹ wẹ ayiha towe na tin te ga.

Mẹde ma sọgan sọ̀n Oklunọ awe gba: adavo é gbẹwánna ode, bo yíwánna awetọ: kavi yín é ma yín mọ, é na joawu na ode, bo gbẹkọ awetọ go. Mìwlẹ ma sọgan sẹn Jiwheyẹwhe po Mamoni po gba.

Ṣigba, eyín Jiwheyẹwhe doaṣọna ogbé danji tọn, he tin to egbe, bọ yè sọ ze dlan zokán mẹ to osọ, bé nẹmunẹmu wẹ é ma na ṣinyọ̀navọ̀na mì, mì yisepẹvinọ le do?

Ṣigba whenuena hiẹ wà lẹblanu núnina, a dike amiyọnlọ towe yon onú he adusilọ towe to wiwà blo: na lẹblanu nunina towe ni tin nuglọ: Otọ́ towe he mọnú to nuglọ, na suahọ etọn we.

MÌ payi dọ mì wá dódó mìtọn to gbẹtọ nukọn, nado yín mimo gbọn yé de blo; eyínmọ mìwlẹ ma tindo ale de to Otọ̀ mìtọn he tin to olọn mẹ de gba.

Poàọ whenuena mì blanù mì di yẹnuwàtọ lẹ to nukun yínylọn mẹ blo: na yé hẹn nukun yetọn gble, na yé nido sọawúhia gbẹtọ lẹ dọ yé to nùbla. Nugbo wẹ yẹn dọ hlan mì, Yè ko mọyí to gigọ́ mẹ ale yetọn. Ṣigba hiẹ, whenuena hiẹ blanù, yí amisisá sá do ota towe, bo klọ nukunmẹ towe; na hiẹ sọawúhia gbẹtọ lẹ dọ hiẹ to nùbla blo, adavo na Otọ́ towe he tin nuglọ: Otọ́ towe he sọ mọnú nuglọ na suahọ etọn we.