Popular Bible Verses from ISAIA 6

Share

Yẹn sọ sè ogbè OKLUNỌ tọn ga, dọmọ, Mẹnu wẹ yẹn na dohlan, mẹnu wẹ na yì na mí? Whenẹnu wẹ yẹn dọmọ, yẹn die; do mì hlan.

Odẹ́ dawhá hlan awetọ, dọmọ, Wiwe, wiwe, wiwe wẹ OKLUNỌ awhànpa lẹ tọn: aihọn lẹpo gọ́ na gigo etọn.

Whenẹnu wẹ yẹn dọmọ, Dindọ̀n wẹ yẹn na yẹn pòta; na yẹn basi omẹ nùflo mawenọ, yẹn sọ tin to ṣẹnṣẹn omẹ nùflo mawenọ lẹ tọn: na nukun ṣie ko mọ ahọlu, OKLUNỌ awhànpa lẹ tọn.

TO owhè he mẹ Ozia ahọlu kú te, yẹn mọ OKLUNỌ sinai to ofìn he yì aga ji, ehe fón yì oji, aṣọvọ̀ etọn gọ́ tẹmpli mẹ.

E yí i do onù ṣie go, bo dọmọ, dayi e go, ehe ko jẹ nùflo towe go; yè bẹ́ ylankan towe sẹ́, yè sọ klọ ylando towe sẹ́.

Selafin lẹ nọte to aga etọn, dopodopo tindo awà ṣidopo; é yí awe sinyọ́n nukunmẹ etọn, bo yí awe sinyọ́n afọ̀ etọn, bo sọ yí awe do zinzlọn.

Whenẹnu wẹ dopo to selafin lẹ mẹ zlọn wá dẽ, é hẹn mìyọnkán to alọ etọn mẹ, he e yí obẹ́ do dè sọn agbà lọ ji.

E sọ dọmọ, yì bo dọ na omẹ helẹ, dọmọ, Mì sisè nugbo, ṣigba mì ma tunwun; mì mimọ nugbo, ṣigba mì ma yọ́nẹn.

Hẹn ayiha omẹ helẹ tọn tliji, bo hẹn otó yetọn pẹ́n, sú nukun yetọn na yé nikã yí nukun yetọn do mọ, bo sọ yí otó yetọn do sè, na yé niká yí ayiha yetọn do yónẹn, na yé niká diọ, na yè nikã hẹnazọ̀ngbọna yé.