Popular Bible Verses from Eksọdusi 2

Share

Jiwheyẹwhe sè winwón yetọn, Jiwheyẹwhe sọ flin alẹ̀nu etọn hẹ Abla-ham, hẹ Isaki, podọ hẹ Jakobu. Jiwheyẹwhe sọ mọ ovi Islaeli tọn lẹ, Jiwheyẹwhe sọ yọnẹn na yé.

E sọ wá jọ to whenu azán susu nẹlẹ tọn mẹ, wẹ ahọlu Egipti tọn kú: ovi Islaeli tọn lẹ wẹ́n gbọn mẹglọnọ lọ tọn dali, yé dawhá, yiylọ yetọn na alọgọ hẹ́ji wá Jiwheyẹwhe de gbọn mẹglọnọ lọ tọn dali.

Ovi lọ whén, ewọ sọ hẹn ẹn wá viyọnnu Falo tọn de, é sọ lezùn ovi etọn. Ewọ ylọ oyín etọn dọ Moṣe, bo dọmọ, Na yẹn dọ̀n ẹn sọn osìn mẹ wutu.

Viyọnnu Falo tọn dọ hlan ẹn, Zé ovi he sọ yì, bo na anó ẹ na mi, yẹnlọsu nasọ na azónkuẹ towe we. Yọnnu lọ sọ zé ovi lọ, bo na anó ẹ.

Viyọnnu Falo tọn jẹte wá nado lawu to otọ tó; deviyọnnu etọn lẹ sọ to dudlu to otò tó; ewọ sọ mọ aki lọ to owoko lẹ ṣẹnṣẹn, bo do deviyọnnu etọn hlan nado yì zé e wá.

E sọ wá jọ to azán nẹlẹ mẹ, whenuena Moṣe ko whén, wẹ é tón yì mẹmẹsunnu etọn lẹ de, bo pọ́n agbàn yetọn lẹ: é mọ Egiptinu de to nuli Heblu dopo de to mẹmẹsunnu etọn lẹ mẹ. Ewọ sọ pọ́n de, pọ́n dọn, whenuena é mọ dọ ome de ma tin to finẹ, é hù Egiptinu lọ bo whlá ẹ do tòkẹn mẹ.