Popular Bible Verses from Luka 13

Share

Gwịjūlege ukwịngila pakifịgo ikifịnye; buno bị̄ngị, ngukubūla, bịsakulōndaga ukwịngila lolị bịsakutolịgwaga.

Mụlamụla ālimo unkị̄kulu uju āli ni īmbepo īnyalị āgonịle najo ifyinja kalōngo na lwele; jalimpelị̄le ikilema ātụ̄ngēme akāmēnye ukwima ukugoloka. Lelo bo Jesụ ammbwene, ālinkōlị̄le ālimmbūlịle ātịle: Gwe nkị̄kulu, gwabulị̄gwe ububịne bwako.

Alinkummbīkapo, amaboko, nakalīnga ịtolo alinkwenda nukugoloka, alinkuntụ̄fya Kyala.

Po lelo mwịsakwagaga aba lilino bākūnyụma bịsakujaga bankyenị, aba lilino batasị bịsakujaga bākūnyụma.

Linga sịku lelo umwenenyụ̄mba ịsịlekusụmuka nukwigalako kukifịgo, lelo bo mwimịle pānja mụkwanda ukukung'ūnda kukifịgo mukuti: Gwe NTWA twịgulile, ịsakubāmụlaga ātigi: Ngabamanya kuno mụfụmịle.

Mma; lolị ngubabūla ukuti linga mụtịkupīnduka nanụmwe mwesa mwịsakufwaga bo balabala.

Lolị umwene ịsakutigi: Nịkubabūla nịkuti ngakumanya kuno mụfụmịle; amụsōkepo pamyangu apa, mwesa mwe babōmbambị̄bị umwe!

Po lelo Jesụ ātịle; Ikitāngālala kya kumwanya kifwene bo ifịkị? Nkifwanịkisyege bo ifịkị? Kifwene bo akaseke ka mụtaka aka umụ̄ndu ālyegịle ājịlekusopa mụnngūnda gwake; kalinkukula kalinkwịpela mpịkị, ni njunị sịlinkutēnga ifịfụ̄mbwa mụsāmba syake.