Popular Bible Verses from Johanị 13

Share

Lilino ngubapa ululagilo ulupya; amụgananege. Bō mụmo une mbaganị̄le umwe, mo mụmo fịkuti nanụmwe bō mụgananege. Linga mụkuganana, po umụ̄ndu gwesa ịsakumanyaga ukuti mụli bafụ̄ndịgwa bāngu.

Lelo linga une ne ndi Malafyale kangi ne ndi Mmanyịsị mbasụgụswịsye amalūndi umwe, po mụbagị̄le nanụmwe ukusụgụsụsanịa amalūndi. Papo mbapēle akakuketelamo, ukuti isị mbabōmbị̄le syo mụbōmbēge nanụmwe.

Po papo Jesụ alinkummwamụla alinkuti: Isị ngubōmba syo ukasịmanya ugwe lilino, lolị kwịsakusyaganiaga pānyụma.

Ngubabūla isya nalolị nguti: Untumwa akankīnda ubukulūmba umalafyale gwake, jope na ju ntumịgwa aka kīnda ubukulūmba uju antumịle.

Linga mụsịmēnye sịsịsị, po mwịsakujaga basangalufụ linga mụkusịbōmba.

Po papo alinkusụmụka pāmēsa apa bạ̄lyaga ifị̄ndu, alinkubīka pāmbali imyenda gyake, alinkwịnịemba ilịtābulo mụnsana. Po papo alinkukūsya amīsi mwịbēsenị, alinkwanda ukubasụgụsụsya amalūndi abafụ̄ndịgwa bāke, alinkubapyasīla niịtabulo ili ālinịembịle mụnsana.