Popular Bible Verses from Ubwandilo 35

Share

Po papo Kyala alinkummbūla Jakobụ alinkuti: Jo une Kyala umwene maka gosa; ubālege fị̄jo, gōngelelege ukuja kikolo kinywamụ, ifịkolo fịngị fịkufụmaga mmyako jujugwe. Kangi bōpe na banyafyale bịkufụmaga mmyako jujugwe. Ikị̄su iki nālimpēle Abụlahamụ na Ịsịhaka, kyo nịkukupa ugwe, kangi na ba nndujụ̄ngụ lwako aba bịkwịsaga pānyụma pamyako.

Tukujapakusāma, tusụmwịke ku Betelị kuno ngwakunnjēngelaga Kyala ikigemo kya kwịkemēkesyapo, Kyala uju ālīndūlịle mbutolwe, uju āli nanịne mōsa mụno nēndaga.

Ingamụ jāko gwe Jakobụ, loli lilino ujilekịle ija Jakobụ kujaga gwe Ịsịlaelị. Buno buno alinkubilikilịgwa ija Ịsịlaelị.

Buno buno Jakobụ alinkubabūla aba nnyụ̄mba jāke na bāngi aba āli nabo alinkuti: Amụgitāge gya bakyala imịhēsya igi mụli nagyo, mwịjēlusye kangi mụfwale imyenda imịnụnụ.

Po papo kyala alinkummbūla Jakobụ alinkuti: Sụmụkaga ubūkege ku Betelị ko ukajēngege kula kula. Ko ukānjēngele ni kigemo kya kwịkemēkesyapo pa bujo ubu Kyala ākusetukị̄le ugwe bo kummbopa unkulugo Esabu.

Lelo bo ịkusịlilika namanga āfwịle, po papo alinkumpa umwana jula īngamụ ja Benonị; lolị ugwịse alinkumpa īngamụ ja Benjamịnị.