Popular Bible Verses from Ukusōka 5

Share

Po pāpo lelo Mose na Alonị balinkubūka kwa Falao balinkwakummbūla balinkuti: UNTWA Kyala gwa Ịsịlaelị ịkuti: ubābule abāndu bāngu ukuti bakambōmbele ulusekelo nndungalāngala.

Namanga lūlo mbūkị̄le kukujoba nagwe Falao mụ ngamụ jāko, ịkubabōmbela imbị̄bị abāndu aba, lolị ugwe nakamo ukuti ubapoke abāndu bāko.

Po papo Mose alinkugomokela kangi ku NTWA alinkuti: Gwe NTWA, fịkị kubabōmbela imbị̄bị abāndu aba? Kali gwandumaga fịkị une?

Lolị Falao ālyamwịle ātịle: UNTWA jwanị ugwakuti mbilikege ilịsyu lyake nukubasōsya abany'Ịsịlaelị? Une ngammanya UNTWA, kangi ndikubasōsyaga abany'Ịsịlaelị.

Lolị amapāmba aga bịkubūmbaga gafwanege ịtolo ubwịngị bo aga bābūmbaga ulutasị, linganaganịkangapo ilịpāmba nalimo. Imbōmbo iji bịkubōmba nāndi, fyobene bịkūsūma une ukuti mbị̄tikisye ukusōka kukwịkemēsya kwa Kyala gwabo. Abāndu aba bapēgịgwe imbōmbo ingafụ ija kubakufya ko kuti bangaja na kabalilo ka kupilikila isya butūngulu.