Popular Bible Verses from Ukusōka 20

Share

Joune ne NTWA Kyala gwako ne nakusōsịsye nkị̄su kya Egịpịtị, muno gwali mbutumwa. Ungajaga na bakyala abāngi, lolị jujune nịmwene.

Ungịtendekekesyaga ikifwanị kya kāndu aka kali kumwanya, pamo aka kalị pāsi pakị̄su, pamo aka kali mmịsị pāsị pakị̄su. Ungịpụtaga kuli fịfị̄fyo nukufịbōmbela. Namanga une ne NTWA ne Kyala gwa būfị. Ngutwala ulūfundo kulị aba bā mbengịle: Kubịsabo, kubānābo, kubịsukulu bābo, kubanyēnya bābo na kubanyēnya ba banyēnya.

Ummwimịkege ugūso nu nyoko, po kwịsakujaga nubūmị ubutalị nkị̄su iki UNTWA Kyala gwako ākupēle.

Ulikumbukege ilịsịku lya sabati ukuti lya kutūsya, ulyimikege ukuja lịkemo.

Ungajijobaga mwalo ingamụ ja NTWA Kyala gwako, namanga UNTWA Kyala atịsakunndekaga ukumfụ̄nda uju ikujijoba mwalo ingamụ jāke.

Mmasịku ntandatu ubombege imbōmbo syako syosa. Lolị pị̄sịku lya buhāno na bubili jo Sabati gwa NTWA Kyala gwako. Utịsakūbōmbaga imbōmbo najimo pị̄sịku lililyo, ugwe numwanako unndumyana, numwanako unndindwana, nababōmbị bako abanyambala nabakị̄kulu, ni ng'ōmbe syako, nunhēsya gwako.

Unganyonywaga inyụ̄mba ja mpalamanị gwako. Unganyonywaga unkasị gwa nnịno, nu mmbōmbị gwake unnyāmbala pamo unkị̄kulu, ni ng'ōmbe syake, ni mbunda na kāndu kōsa akāngi aka alinako.

Ungantungulupilaga umpalamanị gwako.

Ungalogwaga.

Ungagogaga.

Ungahījaga.