Popular Bible Verses from Ukusōka 15

Share

ātịle: Linga mụkwịjūla ukumpilika UNTWA Kyala gwinụ, kangi linga mụkubōmba isị sịnkyelịle nukusịkōnga indagilo ningomelesyo syake ndịsakubafụndaga ni mbūngo nasịmo bo isị nabatumị̄le ab'Egịpịtị. Namanga une ne NTWA ne ngubagangula.

UNTWA jo maka gangu jo lwimbo lwangu uju Ịpelịle bupokị bwangu; Jo Kyala gwangu jujuju, jo ngumpālaga jo Kyala gwa tāta, jo nguntụ̄fyaga.

Gwe NTWA, nkilūndilo kya bakyala jwanị uju afwene nanụngwe? Jwani uju afwene bo ugwe, gwe nkulūmba mbwịkemo? Jwani amēnye ukubōmba ifịswịgu nimbōmbo īngulūmba bo isyako.

Gwe nsūbilị gwa mụli isị linga ufị̄ngịle, gwabalongolịle abāndu aba gwabapokịle; mmaka gāko gwabatalwịsye ku kāja kāko akị̄kemo.

Bo bafịkịle pabujo ubu bịkuti Mala, bātolị̄gwe ukunwa amīsi aga bāgāgịle pa Mala papo gāli makali gakānogaga ukunwa; jo nōngwa iji ubujo bula bwapegīgwe ingamu ja Mala. Po papo abāndu balinkwịbụnēsya kwa Mose balinkuti: Tukunwaga fịkị? Mose alinkukụ̄ta ku NTWA; po papo UNTWA alinkunnangisya ikipịkị kimo bo akisopịle mmīsī, amīsi galinkwanduka galinkuja manụnụ ịtolo ukunwa. Pala pala UNTWA alinkubapa indagilo isyakuti basịkōngege mbūmị bwabo, kangi alinkwenda nukubagela