Popular Bible Verses from ROMANOS 4

Share

Manapunim iskayrayarqachu, Diospa prometekusqanpi confiakuspam aswantaraq kallpanchakuspa Diosta yupaycharqa. Chikantapas manam hukmanyarqachu hinaspam nikurqa: —Diosqa llumpay atiyniyoqmi chaymi prometekusqantaqa cumplinqa —nispa.

Bibliapipas Diosmi kaynata nin: —Miraynikikunatam achka nacionman tikrasaq —nispa. Chaypi confiakuspam Abraham suyarqa. Diosqa wañuqkunatapas kawsarichinmi hinaspam riman imapas manaraq kaqkunamanta ña kachkanmanñapas hina.

Diospa munasqanman hinataqmi Jesuspas huchanchikkunarayku wañupuwaspanchik kawsarimurqa chaynapi mana huchayoq hina Diospa chaskisqan kananchikpaq.

“Churiyqa manam kanmanñachu” nichkaspapas Abrahamqa Diospa prometesqanpi confiakuspam churin kananta suyarqa. Chaynapim Diospa nisqanman hina Abraham achkallaña runakunapa abuelon karqa. Diosqa kaynatam nirqa: —Wakna mana yupay atinam kanqa miraynikikuna —nispa.

Chaymi iñiptillan promesatapas Diosqa Abrahanman qorqa regalota hina chaynapi llapallan mirayninkunapaqpas cheqaptapuni chay promesa kananpaq. Kaytaqa nichkani, manam kamachikuykuna kasukuqkunallapaq chay promesa kasqantachu, aswanqa Abraham hina llapallan iñiqkunapaqpas kasqantam. Chaynapim Abrahamqa rikurirun llapallanchikpa taytanchik hinaña.

Davidpas nirqa: ¡Mayna kusisqam mana kasukusqanmanta Diospa pampachaykusqan runaqa! ¡Mayna kusisqam huchallankunapas Diospa pakaykullasqan runaqa! ¡Mayna kusisqam mana huchallikuqpaqña Señorpa hapisqan runaqa!

Bibliapas paymantaqa kaynatam nin: —Diosman iñispallam Abrahamqa mana huchayoqpaqña chaskisqa karqa —nispa.