Popular Bible Verses from ROMANOS 3

Share

Llapallanchik huchallikuruspam Diospa suma-sumaq qayllanmanta karunchakurunchik. Diosmi ichaqa mana imallapaq favorecewaspanchik mana huchayoqpaqña chaskiwanchik Cristo Jesus wañuspan librawaptillanchik.

Jesucristoman iñikuptillanchikmi llapallan runakunataqa Dios mana huchayoqpaqña chaskiwanchik. Manam imananchu pim kasqanchikpas.

Diosmi huchanchikkunarayku castigasqa kananchikmanta pampachawaspanchik Jesucristota churarqa wañuspa yawarnin chaqchusqanwan salvawananchikpaq, chaytaqa haypanchik iñispallam. Chaynatamá Dios qawachiwarqanchik justo kasqanta. Manaraq Jesucristo wañuchkaptinqa pacienciakuspam huchankumanta runakunata mana castigarqachu. Kunanmi ichaqa huchanchikkunata pampachawaspanchik Jesusllaman iñikuqkunata mana huchayoqpaqña Dios chaskiwanchik. Chaynapim justo kasqanta yachanchik.

Kamachikuykunaqa huchayoq kasqanchiktam reqsichiwanchik. Kamachikuykunalla kasukuq runaqa hina huchayoqllam karqa Diospa qayllanpiqa.

Bibliam nin: Manam pipas allintaqa ruranñachu. Chullallapas manamriki ruranñachu. Manam pipas entiendeqqa kanchu. Diosta maskaqqa manam kanchu. Llapallankum pantay ñanta pasakunku. Lliwmi mana valeqña rikurirunku. Manam pipas allintaqa ruranñachu. Chullallapas manamriki ruranñachu.

Chaynapimá runakunataqa iñiptillanku mana huchayoqpaqña Dios chaskin. Chayqa manamá kamachikuykuna kasukusqankuraykuchu.

Arí, payqa confiakunapaqmi. Llapachallan runakuna llulla kaptinpas Diosqa cumplinpunim. Bibliam nin: Runakuna juzgasuspaykiqa mana chikanpas huchayoqtam tarisunki. Tukuy nisqayki cheqap kasqantam rimanqaku.