Popular Bible Verses from EXODO 2

Share

“Ay, ay” nisqankuta Dios uyarispanmi mana qonqarqachu Abrahamwan, Isaacwan hinaspa Jacobwan contrato rurasqanta. Diosmi qawarirqa Israelpa mirayninkuna imaynam tarikusqankuta.

Achka wata pasaruptinmi Egipto nacionpi chay rey wañururqa. Israelpa mirayninkunañataqmi sonqonkumanta llakikurqa sirviente kasqankurayku chaymi waqaspanku mañakurqaku Diosta.

Wawa wiñaruptinmi Faraonpa warmi churinman entregarqa, payñataqmi wawachakuspan Moiseswan suticharqa: “Yakumanta horqomusqaymi” nispan.

Paytam Faraonpa warmi churin nirqa: —Apay kay wawata hinaspa ñuñupamuway, ñoqam pagapusqayki —nispa. Chaymi wawata apaspan uywamurqa.

Faraonpa warmi churinmi rirqa mayuta bañakuq chaymi compañaqnin sipaskunawan mayu patanpi purichkaptinku Faraonpa churin rikururqa tuturakunapa chawpinpi canastillata, paymi huknin sirvientanwan apachimurqa.

Chaymantam Moisesqa mozoyaruspanña lloqsirqa castankuna watukuq hinaspam qawarqa sasa llamkaykunawan ñakarisqankuta. Qawarqataqmi Hebreo castamasin runata Egipto runa maqasqantapas. Chaymi kaylawninta-waklawninta qawaykacharikuspan mana pipas chaypi kasqanta qawaspan wañurachirqa Egipto runata hinaspam pamparurqa aqopi.