Popular Bible Verses from Juan 7

Share

Pipas ñoqapi iñiqmantaqa Qellqapa nisqanpi hinam ukunmanta kawsay qokuq mayu kallpanqa, nispa.

Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Chaywanqa nichkarqa haykam paypi iñiqkuna Chuya Espirituta chaskinanmantam. Chuya Espirituqa manaraqmi hamurqaraqchu, hanaq pachaman Jesús manaraq kutisqanrayku.

Amayá qawasqaykichikman hinallachu juzgaychikqa, aswanqa ama pimanpas sayapakuspayá allin arreglota ruwaychik, nispa.

Pipas kikillanmanta rimaqqa kikin alabasqa kayllatam maskan, pipas kachamuqnin alabasqa kananta maskaqmi ichaqa cheqapta riman, paypiqa manam pantayqa kanchu.

Hinaptinmi Jesusñataq nirqa: Kay yachachisqayqa manam ñoqapachu aswanqa kachamuwaqniypam.

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.