Popular Bible Verses from Juan 6

Share

Chaymi Jesusñataq nirqa: Ñoqam kani kawsay qokuq tanta, pipas ñoqaman hamuqqa manam hay-kapipas yarqachikunqachu, pipas ñoqa-pi iñiqqa manataqmi haykapipas yakuna-yachikunqachu.

Espiritum kawsay qokuqqa, aychaqa manam imapaqpas valenchu. Kay rimapayasqaykunaqa espiritum hinaspa kawsay qokuqmi.

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Taytapa munasqanqa kaymi: Diospa Churinta rikuspa payman iñiqqa wiñay kawsayniyuqñam, chayna iñiqtaqa tukupay punchawpim kawsarichimusaq, nispa.

Jesusñataqmi nirqa: Diospa munasqan ruwayqa paypa kachamusqanpi iñiymi, nispa.

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Hinaptinmi Simón Pedroñataq nirqa: Señor, ¿pimantaq risaqku? Qampa rimasqaykiqa wiñay kawsay qokuqmi.

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Manam pipas ñoqamanqa hamunmanchu kachamuwaqniy Taytay mana pusamuptinqa, chay hamuqtaqa tuku-pay punchawpim kawsarichisaq.

Diospa qosqan tantanqa hanaq pachamanta uraykamuqmi, chay tantaqa runakunamanmi kawsayta qon, nispa.

Ñoqam kani kawsay qokuq tanta.

Jesusñataqmi tantata hapiykuspan Diosman graciasta qorqa, hinaspam discipulonkunaman qoykurqa tiyaqkunaman aypumunankupaq; hina chaynallatam challwakunatapas aypuchirqa, chaymi saksanankukama mikurqaku. Saksaruptinkum discipulonkunata Jesús nirqa: Puchuqkunata hoqariychik ama usu-nanpaq, nispa.

Yaqa soqta kilómetro nisqataña richkaspankum, Jesusta rikururqaku yaku hawantakama paykuna lawman hamuchkaqta, hinaspam mancharikurqaku. Jesusmi ichaqa nirqa: “Ñoqam kani, ama manchakuychikchu”, nispa.