Popular Bible Verses from Luc 8

Share

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Bâʼ bʉ̂r, bé ó mpʉ̌ mpeʼ dí ɨ́ mindwínɨ́nɨ́ yɨ́. Bé lɨ́ ejóʼo ntémé lɔ́ɔ waá. Píe tɨ̂, bé mû jaá yêʼwo ó, njɨ sí yɨ̂, le okúm, le ogbaa ndu e bigwɨ́má bí twiʼ yɨ̂. Bisâ byaá mû bé ɨ́ milémé myɔ́ɔ́ ó ɨ́ lárádá. Bé abe e nkul ekǎ sâ bísyɛ́ɛla bimpâ.

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

Yésʉs, nye le ompʉ́n bé ó: «Búʼó yɨ́n, yê nkoó?» Bê nzě jóʼo bʉ́á le ekɛ̂n ɨ́ buo buo, ntɔ̂ʼ lɛ́ɛla páʼ nyɔ́ɔ́ ó: «Wɨ̂ʼ mbi mʉ̂r, wê nzé, dí, nyé sí lwib nɛ́ɛ: onkúo le obóʼó ó mâŋ, byé bánǎ sâ nyé mejóʼo nyâʼ ɛ̌?»

Bâʼ bʉ̂r nwɨɨla ó e nkpâh nkpǎʼ. Bé á be ɨ́ jóʼǒ lɔ́ɔ́ mé Nzyɛ̌m. Sɔ́ŋ meleme ntɔ̂ʼ nze, nzě pɛʼ bé wǎ ɨ́ miléme, lɨ́ ekamle bé lɨ́ ebúʼla wê, nkʉ̂ bǐ twiʼ.

Yé abe e sá dí solá yɨ́, ngá be, agwíha kʉ̌l. Yé abe e sá dí ɨ́ mesǒ yɨ́, ngá be, agʉ́ŋɔɔ, ntɔ̂ʼ nyɨ̂n ɨ́ bʉr ɨ́ kpɛŋlɛm.

Mʉmá waá mpʉ nyé á gʉ́a ó, nyɨ́ gwíha yɨ́, nye ntɔ̂ʼ nze, le esâʼ ɨ́ ngba ngba ngba, nzě bɨʼ mébóó sí ɨ́ mpǒm mé Yésʉs. Nye ntɔ̂ʼ gwîh ɨ́ kpɛŋlɛm sá yé á sâ ó, nye kúnaa e né yɨ́, le mpʉ ékpaa lé, lé á síe ɨ́ tyé e tyé yaá yɨ́. Yésʉs ntɔ̂ʼ lɛ́ɛ e né ó: «Mwân wǎm, búʼó yô, yɨ́ tiʼ gô! Mepyɛbla, mé díʼee go ɨ́ léme.»

ompʉ́n bé, ntɔ̂ʼ sîhlě nko nyé á be yɨ́, jɨmɔɔ nyê. Bé e né ó: «Lɛ̂ʼla, lɛ̂ʼla, mɨná múo nzě dwe gâ!» Yésʉs nzě mɔa sí, nkáŋla e nkúo le obóʼó ó mâŋ, byê nzě tala. Tɨ̂ʼ mû ɨ́ puuu.