Popular Bible Verses from Luc 7

Share

Sá tɨ̂ʼ ó mé dí elɛ́ɛ gó ó: mpʉ nyé mû sí lɛ̂ʼle mpwâʼ kpɛ̌l yé nó yɨ́, yé lɛ́ʼlé ó, Nzyɛ̌m, nyɨ́ pɛʼ nyé bibaa bí ébébe bíbyɛ̂h nyé á niʼe lɨ́ lɔ̌b mísyóm myé bí. Myé ntémé, myé á be ó, ɨ buú buo! Nó ó, ɨ́ jɔ̌ʼ Nzyɛ̌m ópɛʼ bíbaa bí ébébe bá bím yɨ́, mʉr á pɛʼɔɔ bibaa byaá nyá, ókpɛ̌l Nzyɛ̌m ó bá bím.» Nye ntɔ̂ʼ lɛ́ɛ e mʉmá ó: «Bibaa bí ébébe byô, bí pɛʼɔɔ!»

Yésʉs ntɔ̂ʼ lɛ́ɛ e mʉmá ó: «Búʼó yô, yɨ́ tiʼ gô! Tóʼ mbɨ̂mbɨá!»

ntɔ̂ʼ tyɛ̂b píe koo mé Yésʉs, píe mekʉ̌ mé, ntɔ̂ʼ jɨ ɨ́ buo buo, myɛ́ɛlé mé ntɔ̂ʼ bor mékʉ̌ mé Yésʉs. Nye ntɔ̂ʼ dû mékʉ̌ mé Yésʉs ɨ́ swííá, pîm mé le mpuo nyé, nzě lœm nyé lɔbína ɨ́ mekʉ̌.

Nó ntémé ó mê bee ó, yé ajala ó, mɛm mʉr tɨ̂ʼ sóhaa go yɨ́. Damá jóʼo ó, gó anze kwá nyám, cɨʼeě njɨ ekǎn egwár, syɛ̂l mesâ wǎm tíʼaa! Me lɨ́ egʉ́a ó, go e nkul esâ nó, ebě, me ó e bʉr o dí ejwɨ́ɨ mé bá. Mɛm ntémé, mé e bisója ɨ́ jwɨ́ɨ́ yâm. Mě jaá lɛ́ɛ e yɨ̂ʼ ó: “Tóʼ”, yê ntɔ̂ʼ tô. Me e yʉ́ʉ́ ó: “Ntáʼ”, yɨ́haá nze. Me kǎ lɛ́ɛ e syɛ̂l mesâ wǎm ó: “Sáʼ sɨ̂ʼ yɨ̂”, nye sâ.» Ejóʼǒ Yésʉs á jóʼo mekǎn maá yɨ́, nye á be ɨ́ kâm njwɨ́ɨ bisója waá, nzě dwira, dwɛ̂ʼ sɔ́má bʉ̂r yé á dû nye yɨ́. Nye ó: «Me lɨ́ elɛ́ɛ bɨ́n ó, mé apǎ kœ̌b mbǐ búʼó wɨ̂, damá jóʼo ó ɨ́ kúl bʉ̂r o b'Ɨ́zraɛ̂l tʉ́ŋlʉ̌.»

Lɨ́ ewala egwár le egwár laá, bé á kœb ó, Yésʉs lɨ́ etiʼ mímbêl ɨ́ buo buo, baá bé á be e mekpaa, le baá bé á be e bidyɛ̂m, le baá mímbɨ́a mísísǐm, byé á nzɨnzamra bá. Nye á si tiʼ ntémé baántím ɨ́ buo buo, le esâ ó, bé báʼa bee. Nye nzě yala e bé ó: «Tó lɛ́ɛ gá Yʉánɛs sá bɨ̂n beě le ejóʼo yɨ̂: ó baántím, bé mû ó lɨ́ ebáʼǎ bee. Bʉr o b'á nyɛɛ tɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo. Odwe, bé lɨ́ epah ɨ́ mesoo. Mbɨambɨa Lɔ́ɔ mû ó lɨ́ elɛ́ɔɔ míndyêbndyéb, bé e bʉr o dí ɨ́ kpaa nkóó bá.