Popular Bible Verses from Revelation 7

Share

ამის შემდეგ ვიხილე, და, აჰა, უამრავი ხალხი, რომლის დათვლა არავის შეეძლო, ყოველი ერიდან და ტომიდან, ხალხიდან და ენიდან, მდგომარენი ტახტის წინაშე და კრავის წინაშე, თეთრი სამოსით მოსილნი და პალმის რტოებით ხელში.

და იძახდნენ დიდი ხმით და ამბობდნენ: „ხსნა ჩვენს ღმერთს, ტახტზე მჯდომარეს, და კრავს!“

რადგან კრავი, რომელიც ტახტის შუაშია, აძოვებს მათ და სიცოცხლის წყლის წყაროებზე მიიყვანს, და მოსწმედს მათ ღმერთი თვალთაგან ყველა ცრემლს.“

ამიტომ არიან ღმერთის ტახტის წინ და ემსახურებიან მას დღე და ღამე მის ტაძარში. და ტახტზე მჯდომი გაშლის თავის კარავს მათზე. აღარ მოშივდებათ მათ, აღარც მოსწყურდებათ, აღარც მზე დასწვავთ და აღარც ხვატი.

„ნუ ავნებთ მიწას, ზღვასა და ხეს, ვიდრე ჩვენი ღმერთის მსახურთ ბეჭდებს დავასვამთ შუბლზე.“ და გავიგონე ბეჭედდასმულთა რიცხვი: 144 ათასი ბეჭედდასმული ისრაელის ყოველი ტომიდან