Popular Bible Verses from Matay 18

Share

Tana teyrararwa, teytatatlo o mapasyasi jyaken am macilovot ko jira.”

Ko pa ipanci jinyo am tana rarwa kamo a kakma nyoy yasa so nakenakem a mapasyasi ji Ama ta do to am itoro na o amin nyo jya.

Karahan am manara si Yeso so asa ka kanakan a kapatanek na sya do tangain da. Maniring si Yeso am, “To ko na macitangayan jinyo am no si mamlis kamo akman so kanakan eya am ori o ipacikaop nyo do tao a italamozong na ni Ama ta do to.

O akman so kanakan eya ji makazyazyak am ney rakeh na do italamozong na ni Ama ta do to.

O mapanadnad jyaken a tomaotao so likta kanakan eya am kataotao ko na ori a taotawwen na.

“To ko na macitangayan jinyo am o raten nyo do teyrahem am raten ni Ama ta do teyngato. O apyahen nyo do teyrahem am akman sang a apyahen na do teyngato.

Maniring pa si Yeso am, “Si ji monganay do onowned nyo o to nyo peykaboboi so oyyan nyo no kakteh nyo am akman sang si Ama ta do to jinyo.”

“No amyan so tao a tomirara so pakananaken da tao a meyraraten a kapeymakaro na jyaken am apyapya rana kato rana milan do zagaw na itbong do awa a wakwaken.

“Naknakmen nyo pala. No amyan so tao a mapalam so yasa poo (100) a kagling a kavozaw no asa am jyabo kaji na to macyozayan do asyam so ipakapoo (99) a kagling a mangay komala so asa ka kagling a nimavozaw a.