Popular Bible Verses from Mateo 7

Share

Diosmanta mañakuychej, qosonqachejtaj. Dios kutichisunanta mask'aychej, tarinkichejtaj. Punkutapis takallaychejpuni, Diostaj kicharimusonqachej.

Pichus Diosmanta mañakojqa jap'in, mask'ajtaj tarin, punkuta takajpajpis Dios punkuta kicharin.

Pichus kay yachachisqayta uyarispa ruwajqa sumaj yuyayniyoj, paytaj chhanka patapi wasichakoj runaman rijch'akun.

Chayrayku, imaynatachus runakuna qankunapaj ruwanankuta munankichej, ajinallatataj qankunapis paykunapaj ruwaychej. Chayta ruwaspa, junt'ashankichej imatachus Diospa kamachisqanpi, Diosmanta sut'inchajkunaj qhelqasqankupi ima kamachishan, chayta.

Chaywanpis wiñay kawsayman pusaj ñanqa k'ullkumin, chayman yaykuna punkupis k'ullkullataj. Chayta tarejkunataj pisilla kanku.

Diospa kamachiyninman k'ullku punkunejta yaykuychej, imaraykuchus chinkayman pusaj ñan jatunmin, chayman yaykuna punkupis jatunllataj. Chaynejta yaykojkunapis may ashkhallataj kanku.

Qankunachus mana allin runakuna kashaspa, allin kajta wawaykichejkunaman qoyta yachankichej chayqa, astawanraj janaj pachapi kaj Tataykichejqa mañakojkunaman allin kajta qonqa.

Ama pitapis juchachaychejchu, ama juchachasqa kanaykichejpaj. Imaynatachus wajkunata juchachankichej, ajinallatataj Diospis qankunata juchachasonqachej. Imayna sonqowanchus wajkunata qhawankichej, chay jinallatataj Dios qankunata qhawasonqachej.

Sichus pipis yachachisqayta uyarispa mana kasun chayrí, payqa mana yuyayniyoj runaman rijch'akun, pichus t'iyu patapi wasichakojman.

Imaraykutaj wawqeykej ñawinpi q'opata qhawanki, qanpa ñawiykipitaj kurkuta mana reparankichuri? Qanpa ñawiykipi chhikan kurku kashajtin, imaynatataj wawqeykita niwaj: Wawqey, ñawiykimanta chay q'opata orqhojta saqeway, nispa, qanpa ñawiykipi kurku kashajtinri?

Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku. Qankunaqa ruwasqankunejta imaynachus kasqankuta rejsinkichej. Uvataqa mana khishkamantachu pallanchej, nillataj higotapis ithapallumantachu, icharí?

Ajina, sumaj sach'aqa sumajta poqon, mana allin sach'aj poqosqanrí mana allinchu.

Sumaj sach'aqa mana allin poqoyta mana poqonmanchu. Nillataj mana allin sach'apis allin poqoyta mana poqonmanchu.

Ima sach'apis mana allinta poqospa, k'utusqa kanqa, ninamantaj enqhaykusqa.