Popular Bible Verses from Mateo 24

Share

Jinallataj millayta ruwana mayta ashkhayajtin, runakunaqa manaña wajkunata munakonqankuchu. Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

Jinallataj Diospa janaj pacha kamachiyninmanta sumaj willayqa tukuynejpi willasqa kanqa, tukuy runakuna yachanankupaj. Chaymantaraj kay pachaj tukukuynin kanqa.

Qankunaqa wañuchinakumanta, maqanaku kananmanta ima uyarispa, ama mancharikuychejchu. Chay tukuy ima kananpuni tiyan. Chaywanpis manaraj kay pachaj tukukuyninchu kanqa.

Uj suyoqa waj suyoj contranta oqharikonqa, uj kamachejtaj waj kamachejpa contranta. Jinallataj tukuynejpi jallp'a ikhakuykuna kanqa, yarqhay ima. Chaywanpis chay tukoyqa paqarichikoj warmej nanayninpa qallariynin jinalla kanqa.

Janajpis, kay pachapis tukukaponqanku. Chaywanpis nisqayqa mana jayk'ajpis pasanqachu, manachayqa junt'akonqapuni.

Chayta niykichej, imaraykuchus sutiypi ashkha runakuna jamuspa, nenqanku: Noqaqa Diospa kachamusqan Cristo kani, nispa. Ajinamantataj ashkha runata pantachenqanku.

Chantá runakuna qankunata jap'ichispa, ñak'arichisonqachej, wakinniykichejtataj wañuchisonqachej. Ajinata tukuy runaj chejnisqan kankichej noqaj sutiyrayku. Chaypacha yachachisqaykunamanta ashkha qhepaman kutiriponqanku, purajmantataj ch'atanakonqanku, chejninakonqanku ima. Ashkha llulla sut'inchajkuna rikhurimuspa, may chhika runata pantachenqanku.

Chantá Jesús paykunaman kuticherqa: Allinta qhawakuychej, pajtataj pipis q'otiyasunkichejman.

Chayrayku qankunapis wakichisqallataj kaychej, imaraykuchus Runaj Churenqa mana yuyasqaykichej p'unchaypi kutimonqa.

Chayrayku, qankunapis wakichisqa suyaychej, imaraykuchus mana yachankichejchu ima p'unchaychus Tukuyta Kamachejniykichej kutimunanta.

Chay p'unchay, Runaj Churinpa jamunan p'unchay, chayrí chay phani mayk'ajchus kananmantaqa mana pipis yachanchu, ni janaj pachapi angelkunapis, nitaj Churipis. Tata Dioslla chaymantaqa yachan.

Ajinamanta llullakuspa: Cristo kani, nispa nejkuna rikhurimonqanku, mana cheqanta sunt'inchajkuna ima. Paykunataj runaj mana jayk'aj rikusqan t'ukunakunata ruwaspa, runakunata pantachenqanku. Atispaqa, Diospa ajllakusqankunatapis pantachinkuman.

Imaynachus Noéj tiemponpi karqa, ajinallataj kanqa Runaj Churinpa kutimunan p'unchaypipis. Chaypacha, manaraj jatun para chayamushajtin, runakunaqa mikhusharqanku, ujyasharqanku, casarakusharqanku ima, Noé arcaman yaykunan p'unchaykama. Paykuna mana imatapis reparakorqankuchu jatun para jamunankama, tukuyninkutaj chinkachisqa karqanku. Ajinallataj kanqa Runaj Churin rikhurimunan, chay p'unchaypi.