Popular Bible Verses from Mateo 10

Share

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Pichus noqata kasunawanmanta nisqa kawsaynin aswan kasqanta qhawanman chayqa, payqa mana wiñay kawsayman yaykonqachu. Chaywanpis pichus noqarayku kawsayninta mana may kasqanta qhawanchu, chay runa wiñay kawsayman yaykonqa.

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

Jinallataj manachus pipis cruzninta oqharispa qhepayta jamunman chayqa, payqa mana noqajta kananpaj jinachu.

Sichus pipis runakunaj ñawpaqenpi yachachisqay kasqanta rimarenqa chayqa, noqapis janaj pachapi kashaj Tataypa ñawpaqenpi nisaj: Payqa noqajtamin, nispa. Chantá, sichus pipis runakunaj ñawpaqenpi mana rejsiwaj tukonqa chayqa, noqapis payta mana rejsisajchu janaj pachapi kashaj Tataypa ñawpaqenpi.

Chantá onqosqakunata qhaliyachiychej, wañusqakunatataj kawsarichiychej. Jinallataj llejti onqoyniyojkunata qhaliyachispa llimphuchaychej, supaykunatapis runakunamanta qharqoychej. Qankunaqa kay atiyta qhasilla jap'erqankichej. Chayrayku chay ruwasqaykichejmantaqa ama pagachikuychejchu.

Chayrayku ama manchachikuychejchu, imaraykuchus qankunaqa aswan valorniyoj kankichej ashkha p'isqokunamanta nisqaqa.

Ama yuyaychejchu noqa kay pachaman allin kawsayta apamoj jamusqayta. Aswanpis mana allin kawsayta apamuni, runakunatataj t'aqanachej jamuni.