Popular Bible Verses from Génesis 45

Share

Chaywanpis ama chaymanta anchata llakikuychejchu, nitaj vendewasqaykichejmanta juchachanakuychejchu. Diosmin qankunamanta ñawpajta kayman kachamuwarqa, qankunata kawsachinaypaj.

Ajinaqa Diospuni kay llajtaman kachamuwarqa, mana qankunachu. Paymin faraonta yuyaychanaypaj churawarqa. Jinallataj tukuy imanta qhawapunaypaj churallawarqataj, chantá tukuy Egiptopi kamachinaypaj ima.

Chayrayku Dios qankunamanta ñawpajta noqata kayman kachamuwarqa, kay pachapi mirayniykichej ama tukukunanpaj uj jatun t'ukunata ruwasqannejta.

Josetaj ujtawan paykunata nillarqataj: Qayllaykamuwaychej, nispa. Paykuna qayllaykojtinkutaj, José nerqa: Noqa José kani, wawqeykichej, pitachus qankuna Egiptopi wata runa kanaypaj vendewarqankichej, chay.

Kay suyupi yarqhay kasqanqa iskay wataña, phishqa watatawanraj kanan kashan. Chay watakunapi manapuni chajra oqharina kanqachu, nitaj tarpusqapis poqonqachu.

Chantá Joseqa wawqenkunata nerqa: Noqa José kani. Tatayqa kawsakushanrajchu? nispa. Wawqenkunatajrí mana imatapis kuticherqankuchu, imaraykuchus ñawpaqenpi ancha mancharisqa kasharqanku.