Popular Bible Verses from Génesis 28

Share

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Chantá Jacob puñusqanmanta rijch'arispa, nerqa: Cheqapuni Tata Dios kaypi kashan, noqataj mana yacharqanichu, nispa.

Chantá Jacob tiluspa, ajinata Tata Diosta nerqa: Tata Dios, sichus noqawan kaspa, tukuy riyniypi waqaychawanki, jinallataj mikhunata, p'achatawan ima qowanki chayqa, sitajchus tataypa wasinman allillanta kutipusaj chayqa, Tata Dios, qanqa noqaj Diosniy kanki. Diosníy, kay sayachisqay rumeqa qanta yupaychana cheqa kanqa. Chantá tukuy ima qowasqaykimanta sapa chunkamanta ujta qanman qosqayki, nispa.

Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

Unay chay cheqaqa Luz sutiyoj karqa. Jacobtaj chay cheqata suticharqa: “Betel”, nispa.