Popular Bible Verses from Markus 12

Share

Nesana i Yesus, <<Parenta anu nopoko ntoto iamo ivei: <Epemo toIsrael! Alatala Tupu nisombata, bo Ia aga saito-itoNa. Potovemo Tupu ante mpuu-mpuu raramiu, bo ante pura-pura noto mpekirimiu, bo pura-pura pokainggumiu bo pura-pura pompakulemiu.> Bo Parenta karanduana, <Potovemo singgamanusiamiu nasimbayu mpo pompotovemiu karomiu mboto.> Ledo naria parenta ntanina nopokopa pade parenta randua hitu.>>

Pade nironde i Yesusmo anaguruNa, bo niulikaNa, <<Pariaramo! Nadeapa pedekei ntimbala napakasi haitu pade pedekei ntona ntanina. Ira nombadekei lako ri labi nu kakalumanara, tapi nau timbala haitu napakasi mpuu, nidekeina pura-pura doi naria nte ia, anu niparaluuna ka katuvuna mboto.>>

I Yesus hau nonturo nantingayo peti pomboli doi pedekei ri doyata Banua nu Alatala. NipariaraNa tona nombasuaraka doira riara peti haitu. Nadea tokalumana nombasuaraka doi dea riara mpeti haitu. Bo nakava muni saito timbala napakasi mpuu bo ia nombasuaraka rompeka doi kodi.

Kita manusia kana mompotove Alatala ante mpuu-mpuu rarata bo ante pura-pura pompahata bo ante pura-pura pompakuleta. Bo kita muni kana mompotove singgamanusiata nasimbayu mpo pompotoveta karota mboto. Haitu nelabipa nopoko pade nombadekei mpengaya-ngaya pesomba nipalabu atau pesomba-pesomba ntanina ka Alatala.>>

Pade nanguli i Yesus ka ira, <<Ane ivesia, dekei ka Magau Mbaso anu masipato radekei ka Magau Mbaso, bo dekeimo ka Alatala anu masipato radekei ka Alatala!>> Nokumaa mpuumo ira nangepe pesanaNa.