Popular Bible Verses from Lukas 9

Share

Naupu sia niulikaNa todea ri sia, “Isema-sema madota mangoseaka Yaku, kana rakabasakana dotana mboto. Ia kana manjimbuaka kayu salibna eo-eo. Haitumo, ia kana masadia rapandasa nau sampe rapatesi bo mpuu-mpuu mangoseaka parentaKu.

Isema-sema aga nangoseaka dota nu rarana mboto bo natuvu ka karona mboto, ledo manggava katuvu nabelo sampe ri kasae-saena. Tapi isema-sema mombakabasaka dotana mboto sabana nangoseaka Yaku, nau ia rapatesi, iamo matuvu mabelo sampe ri kasae-saena.

Nanguli i Yesus ka ia, “Ledo nabelo ane topopajeko nasaro meili ri puri. Ivesia muni tona nasaro nantora anu nipalaisina, ledo masipato majadi topokarajaa ri Poparenta nu Alatala.”

Nuapa gunana rakavamiu pura-pura anu naria ri dunia, tapi ledo rakavamiu katuvua nabelo sampe ri kasae-saena?

Isema-sema maeya matana manguli ia topangoseaka Yaku bo maeya matana nte pepatudukiKu, Yaku muni maeya mataKu manguli ia topangoseaka Yaku tempo Yaku meonga lako ri suruga. Yaku, Ana nu Manusia, manau ante reme bo kuasaKu bo kuasa nTuamaKu bo malaeka-malaekaNa nagasa.

Pade nesana i Yesus, “Asulaku naria bolona bo tonji naria jumuna, tapi Yaku, Ana nu Manusia ledo ria banuaKu Kupaturu.”

bo niulikaNa ira, “Isema-sema nantarima ngana hitu sabana pomparasayana Yaku, nasimbayu mpo nitarimana muni Yaku. Bo isema-sema nantarima Yaku, nitarimana muni Alatala anu nantudu Yaku. Jadi isema-sema naede rarana, iamo nalangapa panggana ri panggita nu Alatala.”