Popular Bible Verses from Lukas 8

Share

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Savua nanavu ranggarui, nirapaka tona nangepe Tesa nu Alatala bo niparasayana. Tapi ira aga nompekirika katuvura ri dunia, ira madota makalumana bo madota matuvu masana ri dunia. Pura-pura haitu nompakabago ira sampe ira ledo napola nangoseaka Tesa nu Alatala bo katuvura ledo naria gunana.

Savua nanavu ri tana navatu, nirapaka tona nangepe Tesa nu Alatala bo nitarimara nte damba rara. Tapi ledo naroso pomparasayara, nasimbayu nte tuda-tuda ledo naroso pokalena. Tempo ira nipesori, nouramo rarara bo domo nomparasaya.

Nangulimo i Yesus ka ana-anaguruNa, “Nakuya komiu ledo nomparasaya Yaku?” Nokumaa bo naeka anaguruNa. Ira nosimpekutana, “Hee! Isema ntoto tano tona hitu? NiparentaNa poiri bo uve bo nioseakara mpuu!”

Savua nanavu ri dala, nirapaka tona nangepe Tesa nu Alatala tapi nakava Magau nu Seta nangalasi Tesa haitu lako nte ira ala domo raparasayara bo rapakasalama.

Pura-pura anu nitabuniaka sii-sii kana rapopakita ngena, bo anu dopa nisani sii-sii kana rapopaisani ngena.

Mombine haitu nombarasai poviana pangane domo namala ratabuniaka, nisani i Yesusmo. Jadi nakavamo ia nte eka bo nantaputu ri ngayo i Yesus. Bo niulina ri ngayo ntodea ri sia nuapa sabana sampe nikabekana baju i Yesus. Bo niulina muni kaliu-liu nabelomo ia. Pade nangulimo i Yesus ka ia, “AnaKu, nabelomo iko sabana iko nomparasaya. Panjilimo iko. Damo Alatala mompakatinonto iko.”

Jadipa haumo anaguruNa nombalike i Yesus, “Guru, Guru! Mamatemo kita!” Nangepe topelike, nembangumo i Yesus. NipopetaaNa poiri bo balumba mbaso, netaa mpuumo! Bo rano haitu natinontomo.