Popular Bible Verses from Yohanes 10

Share

Ane topangangga, ia aga tumai mangangga, mepatesi, bo mompakagero. Tapi Yaku hii nakava ala manusia manggava katuvua mabelo bo katuvua haitu ledo ria kakurana.”

“Yakumo hii topoevu nabelo. Yaku nasadia mamate ala bimbaKu matuvu.

Bimba-bimbaKu nantalingai tesaKu bo nisaniKu ira bo nioseakara Yaku.

Yaku nombadekei ka ira katuvu mabelo sampe ri kasae-saena bo ira ledo ntoto rapopogaa lako nte Alatala. Ledo ntoto maria saitoa tona mamala mangago bimbaKu lako nte Yaku.

Yakumo hii bobaa. Isema-sema mesua modala nte Yaku rapakasalama. Ia mamala mesua bo mesuvu manggava kandea.

Yakumo hii topoevu nabelo. TuamaKu nisaniNa Yaku bo Yaku nisaniKu muni Ia. Ivesia muni nisaniKu pura-pura bimbaKu bo bimba-bimbaKu nisanira Yaku. Bo Yaku mamate ala bimba-bimbaKu mamala matuvu.

TuamaKu niparasayakaNa ka Yaku bimba-bimba haitu bo Iamo naogepa pade pura-pura anu naria. Ledo ntoto ria saitoa tona mamala mangago ira lako nte Ia. Yaku bo TuamaKu ledo ria posisalana, aga saito.”

Yakumo hii topoevu nabelo. TuamaKu nisaniNa Yaku bo Yaku nisaniKu muni Ia. Ivesia muni nisaniKu pura-pura bimbaKu bo bimba-bimbaKu nisanira Yaku. Bo Yaku mamate ala bimba-bimbaKu mamala matuvu.

Ledo ria saitoa tona mamala mompatesi Yaku ane ledo Kudekei. Tapi Yakumo anu mombadekei karoKu rapatesi nangoseaka dotaKu mboto. Yaku nakuasa mombadekei karoKu rapatesi bo Yaku nakuasa muni matuvu mpanjili, sabana haitumo niparenta nTuamaKu ka Yaku.”

Sabana haitu, nanguli vaimo i Yesus ka ira, “Pariaramo tesaKu hitu! Yakumo hii bobaa rapesua nu bimba hau riara gimpu.

Tona nigaji anu ledo topoevu bimba bo ledo muni tupu nu bimba, ane rakitana asulaku makava mombaraga bimba-bimba, aga rapalaikana bimba-bimba haitu apa ledo bimbana mboto. Jadi bimba haitu raraga bo rasaka nu asulaku sampe masimpotare.

“Pariaramo tesaKu hitu. Ane tona aga nompene vala nesua riara gimpu bo ledo nesua ri bobaa, tona haitu topangangga bo topeago.