Popular Bible Verses from Mathiơ 24

Share

Mơ tài bơh bơta tồi glài iơh bơsak rơp gơbơtơl oă, gen bơta kòñ gơboh oă cau dê rơp huc ngềt. Mơya cau lơi kơ̆ nùs jơl tus di lồi dut gen rơp geh dong klàs.

Jơnau Niam bơh lơgar Yàng Tom Trồ rơp geh bơto yal làm jơh dunnia, tồ lơh cơng jơh ală làng bol in; tŭ hơ̆ bơta lồi dut rơp tus.”

Bol mê rơp kơno bơh kơlìn mơ jơnau pơnro bơh kơlìn. Kơrmap gàr tĕ, bañ dơrcul, bơh ală bơta hơ̆ pal gơlik tus mơya hơ̆ òhềt la lồi dut ò.

Bơh làng bol do rơp bơtào tòmsò mơ làng bol ne, lơgar do tòmlơh mơ lơgar ndai. Oă tiah rơp gơs jơgloh rung mơ tơrlơm ù. Mơya jơh ală bơta hơ̆ mìng la bồ dà bơta jê sồt be cau jê deh.

Trồ tiah rơp roh mơya jơnau đơs Añ jê ò gơs tŭ lơi roh ò.”

Bơh gơs oă cau rơp ai sơnđan Añ tus mơ đơs lah: ‘Añ la Bơtau Krist,’ mơ rơp pơrlồm lơh oă cau in tìs nrah.

Tŭ hơ̆ cau rơp tơmut bol mê tòm bơta rung rài mơ tơnchơt; bol mê rơp kong jơh ală làng bol gơjrañ kơuềng bơh sơnđan Añ. Tŭ hơ̆ gơs oă cau rơp gơtup tìs, pơrlơ̆ dră bal mơ gơp, mơ gơjrañ kơuềng bal. Oă cau gơnoar hwơr ma blac rơp tơlik să mơ pơrlồm oă cau.

Yàng Jesu ho lah: “Kơrhia tĕ, bañ lòi cau pơrlồm bol mê.

Behơ̆ gen bol mê kung pal rcang kơp tĕ, bơh Kòn mơnus tus tòm jơ bol mê ò kơlôi.”

Behơ̆ drơng kơp tĕ, bơh bol mê ò git ngai lơi Yàng he tus.

“Bơh ngai mơ jơ hơ̆ gen ò gơs cau lơi git, bulah cau gơnrơh hơđang trồ hala Kòn kung ò git sơl, mơya mìng Bèp lơm git.

Bơh rơp gơs ală krist ma blac mơ ală cau gơnoar hwơr ma blac tơlik să mơ lơh gơlik oă bơta tềl krơi is dờng, tian gơs dilah rgơi gen kung pơrlồm ală cau geh sac rwah sơl.

Tòm rài Nôe be lơi, gen Kòn Mơnus tus wơl kung rơp behơ̆ sơl. Be tòm ală ngai lài mơ dà kŏ, cau kư̆ ñô sa, lap klau tòmbau ùr tus di ngai Nôe mut tòm ơhò, mơ ò git bơta lơi jơl tus di tŭ dà kŏ tus pơrdô jơh tơl nă; tòm tŭ Kòn Mơnus tus wơl kung rơp behơ̆ sơl.