Popular Bible Verses from Mathiơ 14

Share

Mơya tòm tŭ gŏ càl dờng, gen Pier rngòt ngan mòr gơkram tòm dà, gen hòi dờng lah: “Ơ Yàng, dong añ!” Yàng Jesu ai tê sơmbat mo di khai mơ đơs lah: “Ơ cau gơs dô êt bơta dòn, ñchi bơh tài mê pin taih?”

Mơya tòm tŭ gŏ càl dờng, gen Pier rngòt ngan mòr gơkram tòm dà, gen hòi dờng lah: “Ơ Yàng, dong añ!”

Yàng Jesu đơs mo mơ bol khai lah: “Kơ̆ tĕ nùs; Añ do, bañ rngòt.”

Chòp Pier ho Kơnràñ lah: “Ơ Yàng, dilah ngan la Kơnràñ, dan sồr Añ lòt hơđang nha dà tus hơ Kơnràñ.” Kơnràñ đơs lah: “Tus tĕ.” Pier lik bơh ơhò lòt hơđang nha dà tus hơ Yàng Jesu.

Gen ală cau tòm ơhò tus cùn khoai Kơnràñ mơ đơs lah: “Kơnràñ ngan la Kòn Yàng Tom Trồ dê.”

Mơya Yàng Jesu đơs lah: “Bol khai ò càng lòt; să tòm bol mê ai bol khai in sa.” Cau bơtê đơs mơ Kơnràñ lah: “Tềng do bol hi gơs mìng pram nơm piang lă mơ bàr nơm ka lơm.”

Kơnràñ đơs lah: “Cèng tĕ Añ in hơ do.” Gen Kơnràñ sồr mpồl làng bol nggui dê ñhơt, ai pram nơm piang lă mơ bàr nơm ka hơ̆, pò mat hơ trồ mơ ai lơngai, gen dơrkă piang lă tong ală cau bơtê in, ală cau bơtê tòmpà mpồl làng bol in.

Jơh tơl nă sa hòm, ai ală pet dơrkă tơngkah gen bol khai dòñ bềng jơt bàr bài.