Popular Bible Verses from Esai 26

Share

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Dòn kơnòm tĕ di Yàng Jehôwa jơl sùm sùm, bơh tòm Yàng Jehôwa, să tòm Yàng Jehôwa la Pơnai Lŭ Klềr gam sùm sùm dê.

Hwềng soàn añ kơp gơn Kơnràñ tòm trồ mang; hwềng nùs tòm añ jơh nùs jòi jat Kơnràñ; bơh tòm tŭ ală bơta cahrña Kơnràñ dê gam hơđang ù, gen làng bol ơm tòm dunnia bơtê bơta song ring.

Ơ Yàng Jehôwa, Kơnràñ rơndap nền bơta ring lơngai bol hi in; jơh ală broă bol hi lơh gơs, Kơnràñ neh lơh bol hi in.

Tòm gùng bơta cahrña Kơnràñ dê, ơ Yàng Jehôwa, bol hi kơp gơn Kơnràñ; Sơnđan Kơnràñ mơ bơta kirsơnre bơh Kơnràñ, la bơta hwềng soàn bol hi hàm kòñ.

Gùng cau song ring la ring; Ơ Bơtau song ring, Kơnràñ pơnring gùng cau song ring dê.

Bơh Kơnràñ neh tơmù ală cau ơm tòm tiah jơnhoa; ƀòn dờng jơnhoa Kơnràñ tơmù liah. Kơnràñ tơmù gơ liah tus tòm ù mơ sang gơtòm thul ơmul.

Pò tĕ ală mpồng ƀòn dờng nàng làng bol song ring la làng bol prap gàr bơta dòn rgơi mut tềng hơ̆.