Popular Bible Verses from Markus 13

Share

Aaki kaa zhangndonu ku̱me dlu̱ma. Yang kap njif nu̱ shiki kaɗanyi ma yir ve lauɗaran, kaa ɗanaki.

Shi ma nggu̱ti, tun shi buuri su̱yen ndu̱ barari ku̱me nun zu̱n sarchi nang ɓa.

Mbu̱ wa ɗu̱ ndu̱ tunu gume kumari, damta nu ndu̱ koori ɗyi nu̱ke tun ka zu̱ki ye wor ɓa, zu̱ma kya ba ɗyina ɓa ki ye nu sarchi kumarang, ku̱me tun kya ɓalarang ɓa, ɗya Jiimbi Shakhshakhndi.

Maa viɗi ndu̱ maa yaghai ka woɗa, yang ɓalar ɓang ɓu̱ woɗa aa koɗom ɓa.

Yang ɓu̱ fu̱ɗar ndu̱ sarchi nu̱ke ɗyikunang ka shiki nduka nje nu̱ zu̱nki ɓa. Aa nu̱ ru̱ktiku ɓu̱ Magham nu̱ke a viɗi nu̱ zu̱n ku ɓa, aa Yi ɓu̱ Nduk nu̱ zu̱n ɓa, kope Zhinkirang ɗyenda.

Mbu̱ tun wa tu̱k labar dakhlar ku bing ndu̱ nu̱ ɓakh ndu̱ tunu, damta nu ɓa, ku̱me wa ku̱s ku̱ ɗyikunang shi, yang nang ke lauɗar san dong ɓa.

Daasa ma vaanu nu̱ gha ɗo. Ku̱me nun zu̱n sarchi nu̱ke nu̱ raftang kaɗa gaɓki ɓa, bai kaɗa ɓa ku̱ mugdi, bai chele virkiri, bai sarchi nu̱ke koogurokh a mbaari, yang bai nu̱ dumaari gom. Ku̱ ɗa ɓa ku̱ ruuma nu tu̱ gwa nu tun a ɗyenir ɓa. Ɗyi nu̱ke ngaa zu̱ran ye nu nang, nga zu̱kya ye aaki, daasa ma vaanu nu̱ gha!

Ghai kaa nggu̱ɗ nu̱ ve ghai ndu̱ dakhlari tu̱ kwaaɗa, nggu̱ɗ nu̱ ve kwaaɗa, kaa shi yakhtar ma vu̱ ghai ye maa ku zum zum, ka shi meeri ndu̱ damtarku zum zum, yang nang ke nggarsi bonyang.

Yang tu̱k, wa ku̱s ku̱ aa nyi ghai tu̱k labar mbarkandang kom tu̱ lauɗarsi aa nu̱ma ɓa.

Ku̱me nduki khang kaɗa ɓa ku mbu̱ dlu̱ma, a zu̱ran ku za, “Nga ke Masiya yang ka lamba nduki ku khang.”

Tun ku̱r vaanu, ku̱me kaa ɗu̱ ndu̱ tun gume kumari, ndu̱ gume maa tabar ɓaanda tu̱ shi dlabti ye nu. Kaa ɗu̱ ndu̱ tun gume gorkirku ɓaanda ndu̱ kujiku ɓaanda, ku̱me Nga, yang tun kaa gwa zalale tun zu̱ labar mbarkandang ye wora.

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Yang ba mbu̱ qaandiku nang ndang gaanje bonye nu̱ke a ɓarang, ka sa fu̱ɗarang tu̱ shi zhum, tu̱ chere zhang wuɗ yarang ɓaran gha. Anjinje ku̱ nu̱ viɗi kaɗa nggu̱ɗi, ka yakhta ɗyi gwaanji gwaanji ku mbu̱ viɗi.