Popular Bible Verses from Tlu̱nar ɓu̱ Pudeku 1

Share

Yang ba tun ka kha ndu̱ zalale sarchi nu̱ Jiimbi shakhshakhndi a shurki ye nu, tun ka kha ma saidu ku ɓanga mbu̱ Urshalima ndu̱ Yakhudiya ndu̱ Samariya ma yir me koɗokh larji kap.”

Tu̱ Yesu ze wor za, “Zhinkirang ɗyenda ke nu̱ zalale sar sarchiku ndu̱ fu̱ɗarku, nu̱ vu̱r zalale zu̱ndi nang ye nu ɓa.

Sarchi nu̱ke a su̱yen ndu̱ wor tu̱ ze wor za, “Njig nu Urshalima ɓa, bu ma alqawar nu̱ Zhinkir ɓang shiki mbu̱r fara, tang zu̱ ye nwang. Ku̱me Yokhana shi baptisme ye nduki ndu̱ ɗyim, yang fan ndu̱ qaandi koɗomma, ka shi baptisme ye nu ndu̱ Jiimbi shakhshakhndi.”

Gaanje mu̱ti ɓaran tu̱k, wa wut varan ye wor ndu̱ nyifiri, tu̱ shi ɗyiku zum zum nu̱ wutki za chin wa ji mbe mu̱ti shwat. Wa wut varan ye wor me qaandi ɗyin vat tu̱ shi ɓalar ɗyine kwaaɗar ɓu̱ Magham.

Nu̱ zu̱ki wanang, a nggu̱tan ku tu̱ da nda ma yir mbu̱ viɗi. Tu̱ ku̱zapti nggur lu̱pa nda nu̱ gha me yiti wora nu̱ na nda ku tu̱k ɓa.

Sarchi nu̱ gharki yiti wor a nggu̱ti nda sarchi nu̱ke a yir viɗang, fan ndu̱ fan tu̱ nduki rap ndu̱ luktiku ɓongndi ching gha bing ndu̱ wora. Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”