Popular Bible Verses from Genesis 37

Share

Iahónteratste ne Só꞉se wahotétshen, tánon nó꞉nen shashakohró꞉ri ne rontateʼkoʼokón꞉ʼa, ó꞉nen sénha wahonwáhswen.

Nón꞉wa ne Israel sénha ísiʼ nón꞉we nihonorónhkhwa ne Só꞉se tsi ní꞉ioht ne ronátiaʼke shakoioʼokón꞉ʼa, tiorí꞉wa tsi ó꞉nen sihokstén꞉ha ne Jacob shahrennákerate ne Só꞉se; wahotiatawiʼtsherónnien ne wakóhses tánon tekanentshé:sonʼs.

Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Shé꞉kon ó꞉ia sahotétshén꞉én, tánon sahshakohró꞉ri ne rontatekoʼokón꞉ʼa, ratónnions, “Sewatkáhtho, shé꞉kon ó꞉ia sonkatétshen: ne karáhkwa, nahsonthenhnékha karáhkwa, tánon énskat iawén꞉re nikatsistóhkwake kwáh teionatshá꞉kton nakhén꞉ton.”

Katíʼ ne rontateʼkoʼokón꞉ʼahs tsi nahonwaʼnóh꞉shen, ók kíʼ ne roʼníha tió꞉konte oriwakwé꞉kon ne ranonhtonniónkwas.

Wahshakawènhahse, “Sewatahónhsatat kí꞉ken atetshénhsera ne onkatétshen. Tewakwé꞉kon kahentà꞉ke iteweʼskwe, tewentstohkwanerénkhonhskwe ne kanaʼtsiiá꞉kon. Thontaiawénhstsi nakitstóhkwa ontkétsko tánon kwáh onttakwaríhshion; eʼthó꞉ne ní꞉se sewentstóhkwaʼs waʼtkonwatà꞉senhte tsi waʼkonteró꞉roke tsi nón꞉we ní꞉kate nakitstóhkwa, tánon waʼtkonwatentshóthahse nakitstóhkwa.”

Kásewe kíʼ ó꞉nen, etshitewanonwariá꞉kon tánon kaʼk niká꞉ien kí꞉ken iohshonwaká꞉ronte ieionkwá꞉ti ne raoieròn꞉ta; eʼthó꞉ne kwáh entewén꞉ron kário ronwaʼwahrá꞉kon, tánon eʼthó꞉ne enionkwató꞉kenhse oh nahó꞉ten ienwá꞉ton ne raotetshénhsera.”

Nó꞉nen ne Midianró꞉nons rontké꞉rons ronatohetstonhátie, tontahonwaiaʼtaráthenhste ne Só꞉se ne tsi iohontsaká꞉ronte, tánon ne ne Ishmaelró꞉nons wahonwaiaʼtahní꞉non tewáhsen nikahwístake kahwistarà꞉ke wahatikáriaʼke. Tánon Egypt niahonwaiaʼténhawe ne Só꞉se.

Waʼthontathroriá꞉non, “Ken tá꞉re thí꞉ken rotétshenhs.

Wahonwá꞉ken shé꞉kon ók í꞉non niió꞉re shontá꞉re, tánon nohén꞉ton niá꞉rawe ne ratiiaʼtákta, wahonteʼnikonhrísa nahonwanonhwariá꞉kon.

Ne Reuben wahshakawènhahse, “Tóhsa etshitewanékhwaʼt; ietshitewaiaʼtón꞉ti ne kén꞉en iohontsaká꞉ronte ne kén꞉en iaonwentsathén꞉ken, ók tóhsa kíʼ iaʼtetshitewanihsnonhsá꞉ren”—ne naón꞉ton ne ráonha aonsahoʼniá꞉kenhte taonsahshakohshiotaríhsi tánon roʼninéha niaonsahoiaʼténhawe.