Popular Bible Verses from Mark 10

Share

Nama meka ki otci pe icaw anahwe Ka ki pe iriniwihitisotc kitci atoskectawakaniwitc, aric ma kitci atoskectaketc kirika kitci pakitinak opimatisiwin, micta mitcet iriniwok kitci wikotcihakaniwitcik.”

Kanawapamikowok Cecoca, e tca itikotcik: “Iriniwok nama kackitawok kitci akwacimitisotcik. Wir aric Kice Manito kackitaw kitci akwacimiwetc. Kaskina meka kekociciriw wir kackitaw.”

Itew Cecoc: “Matca. Tapwe kit asperimototawin, ekoni wetci ki kikein.” Tecikotc ki iti wapiw. Ki iti witcewew Cecoca ka iti matcaritci meskanak.

Nama tca acteriw iriniw kitci tipananak aniheriw Kice Manitowa ka ki mamowinamiritci.”

Cecoca kanawapamew e sakihatc, e tca itatc: “Peikw kiapatc kekocic ki noteparin. Matca nta atawe kaskina e ici tataman. Ki ka tca mamirawok ka kitimakisitcik aniheriw coriariw irikik ke kackitain. Meckotc tca wakwek ki ka micikitan. Petcimote pe nosanehici.”

Aci itiko: “Kekwan ka ici nataweritaman kitci totaman kir otci?” “Teperitcikein, itotiske kitci koski wapian.”

Nama aric nte icinakon kirawaw otci. Kecpin aric peikw neta e taciekw nataweritake tapwe kitci kicteritakositc, acteriw kitci atoskectatakw, mia arotakan kitci iteritakositc.

Tapwe ohwe ka witamatakok: awik aka ka ici naheritak kitci pe otitikotc Kice Manitowa Okimawiniw, mitowi awacic e pe otitikotc, nama wiskat kata ki pitakew neta.”

“Aric mitcet iriniwok anotc ka nikanickatcik, kecko otananik kata pimotewok. Aniki tca anotc ka otananickatcik kata nikanickawok.”

Ickotok ka kitciparitc Kice Manito kaskina kekociciriw ka kiceritak, ‘Iriniwa kaie iskwewa ki kicerimew.’ Ekoni e itacterik omasinahikanik. Kaie itemakaniw: ‘Ekoni ke otci nakatatc onikihikowa iriniw, kitci witci tacikematc owiwa, kitci mamweritakositcik. Mia peikw kata iteritakosiwok.’ Nama aci nicw kata iteritakosiwok, aric mia peikw awik.