Popular Bible Verses from Matio 27

Share

Ka nicto tipahikanearik, ki tepwew Cecoc, e micta kiciwetc, e itetc: “ Éli , Éli , lema sabactani !” Wi itemakaniw aniheriw: “Nikice Manitom, Nikice Manitom, kekwan wetci ki pakiterimiin?”

Mia ani apitc nete kitci aiamihe mikiwamik, micta akwekahikanekin tekaci ki tetawekiparin e rarikiparik, icpimik nte e otci kitciparik, nac nte nitek. Ki kwekon. Asiniik ki pactipariwok. Matikowoca ki ceparino, kirika mitcet ka tapwerimawaspan Kice Manitowa ka ki nipotcik, ki apitcipawok.

Cecoc minawatc ki micta notakosiw, ekoni ka iti nipotc.

Ka tiperimatc cimakanica kaie anahweriw cimakanica ka witcihikospan neta e nanakatcihawaspan Cecoca, ki wapatamok e ki kwekonik kaie kaskina ka ki isparinik. Ki micta sekisiwok kirika ki itewok: “Enko anahwe tapwe Kice Manito Okosa!”

Ka apita kicikak, tekaci ki tipiskaw kaskina wiec neta askik, nac nicto tipahikan e ickwa apita kicikak.

“Tan tca ke totawak anahwe Cecoc, Krist ka icinikatakaniwitc?” itew Pilate . Kaskina ki itewok: “Tcictaskowaci tcipaiatikok!” Pilate itew: “Kekwariw ka ki ici matci totak?” Kirawe kiapatc micta kiciwewok e itetcik: “Tcictaskowaci tcipaiatikok!”