Popular Bible Verses from - लूका 9

Share

यीशु ने सब से कओ, जदि कोऊ मोरे पांछू आबो चाए, तो अपने आप हां नकार देबे और हर दिना अपनो क्रूस उठात भए मोरे पांछू हो लेबे।

कायसे जौन कोऊ अपनो प्रान बचाओ चाहे बो ऊहां हिरा दै है, पर जौन कोऊ मोरे लाने अपनो प्रान हिरा है ओई ऊ ए बचा है।

यीशु ने ऊसे कओ; जौन कोई अपनो हाथ हल पे धर के पांछू तकत आय, बो परमेसुर के जोग नईंयां।

जदि मान्स सबरे संसार हां पा लेबे, और अपनो प्रान हिरा देबे, या ऊकौ नुकसान उठाबे, तो ऊए का लाभ हुईये?

जौन कोऊ मोसें और मोरी बातन से लजा है; मान्स कौ पूत सोई जब बो अपनी, और अपने बाप की, और पवित्र सरग दूतन की, मईमा संग्गै आ है, तो ऊसे लजा है।

यीशु ने ऊसे कओ, लोमड़ियन के भट और आकास के पंछियन के बसेरा होत आंय, पर मान्स के पूत हां मूड़ धरबे की भी जांगा नईंयां।

और यीशु ने उन से कओ; जौन कोई मोरे नाओं से ई मोंड़ा हां अपनात आय, बो मोहां अपनात आय; और जौन कोऊ मोय अपनात आय, बो मोरे पठैबेवारे हां अपनात आय, कायसे तुम में से जौन कोऊ हलके से हलको आय, ओई बड़ो आय।