Popular Bible Verses from - लूका 8

Share

पर साजे खेत के बे आंय, जौन बचन सुनके भले और अच्छे हिये में संभालें रैत आंय, और धीरज से फल लात आंय।

जौन झाड़ियन में गिरे बे जे आंय, जौन सुनत तो आंय, पर आंगू निंग के सोस और मालपानू और जीवन के सुख बिलास में फंस जात आंय, और उन कौ फल नईं पकत।

चट्टान पे के बे आंय, कि जब सुनत आंय, तो खुसी से बचन हां अपना तो लेत आंय, पर जड़ न पकड़बे से बे तनक देर हां बिसवास रखत आंय, पर जांच परख की बेरा डगमगा जात आंय।

तब यीशु ने उन से कओ, तुमाओ बिसवास किते हतो? पर बे औरें डरा गए, और चकित होकें आपस में कैन लगे, जौ को आय? जौन आंधी और पानू हां सोई हुकम देत आय, और बे ऊ की मानत आंय।

गैल के कगारें के बे आंय, जिन ने सुनो; तब छलिया शैतान आके उन के हिये में से बचन उठा ले जात आय, कि कऊं ऐसो न होबै कि बे बिसवास कर के उद्धार पाबें।

कछु लुको नईंयां, जौन उजागर न होय; और न कछु छिपो आय, जौन जानो न जाए, और उजागर न होय।

जब बईयर ने तको, कि मैं लुक नईं सकत, तो कांपत भई आई, और यीशु के गोड़न पे गिर के सबरे मान्सन के सामूं बताओ, कि ऊ ने कौन काजें यीशु हां छुओ, और कौन भांत तुरतऊं साजी हो गई। यीशु ने ऊसे कओ, बिटिया तोरे बिसवास ने तोहां साजो करो आय, खुसी से चली जा।

तब उन ने ऊ लौ जाके ऊहां जगाओ, और कओ; स्वामी पिरभु! हम नास भए जात आंय: तब यीशु ने उठ के अंधूरा हां और पानू की लहरन हां डांटो और बे चिमा गए, और सब सान्त हो गओ।