Popular Bible Verses from METIYU 5

Share

Hiyvkam muram rwgab tvl pwcwngv kulub ap maadwn, hvbmabde mur tvtamnan aoho tvptvl nam uraho doonbo nyi mwlw gab huto mvdwb jidwn. Hoq hvbkalam nulug hutongam nyiam kaakin to, ho nulug albo bonam nyinam mam kaapa tvl ao gvda tolo doonbo nulug Abam paqtayin.

“Nulv gvda gvt mwlw gab huto hvb nyidwn, yorn aoho doonbo nampamv kvsil doolaram.

“Hang dvrwqbo nyi tulungv xinam jaqkv, hoggab bulv Pwnboam kaapa tayin.

“Pwnbog hang mwwlwqkob bon nyinbo nyi tulungv xinam jaqkv, hoggab Pwnbov bulam hang xumdwb jitayin!

Hvbmabde sija ngo nulam bedwn, nam ceebio hang baqnboam abyto ho nulam mvnyi-mviyao nyi tulu gab Pwnboam xumto.

“Yal jwwgwbo nyi tulungv xinam jaqkv, hoggab ao Lvpw-hativ bulug gab doodwn!

“Swrsomalo pagoq gab bon nyinbo nyi tulungv xinam jaqkv; hoggab Pwnbov bulam mwwg ko tulungv hvl goqtayin!

“Nyiqs tanap dil mwwrbo nyi tulungv xinam jaqkv, hoggab Pwnbov bulam hemp podwb jitayin!

“Pwnbog bon nyim dvb jinam mam bon nyik gab mvnyi-mviyanam nyi tulungv xinam jaqkv; hoggab ao gvdag Lvpwngv bulug gab doodwn!

“Nyi asaqkam aya yaanbo nyi tulungv xinam jaqkv; hoggab Pwnbov bulam aya tayin!

“Nulv ngoqg buu swwgam gab nulam nyi tulungv deedy luuxib hvnyw-har bepal, nulam mvnyi-mviyal ceebio baloqkam nulv hemp poto. Hemp poto ho mwwngam alwb mwwto hoggab ao gvda tol nulug amin koi albov nulgab doodwn. Nulug otuqb swwnbo kolwg nyiqry benbo tulungam soq sib mvnyi-mviyal mvnum.

“Mvnyi-moiyul swwnbo nyi tulungv xinam jaqkv; hoggab Pwnbov hognvkam bir pakun ham bulam jitayin!

“Nulv swcw nvg aoso nyia ko gab al hvb nyidwn. Hvbmabde alv tiinam hoqgv niik baloqkam ham lokta tiidkub mvla kuram, ho hoqhv xidkub niqtuq dookram, hoqgab ham hurpaq dukub nyitayin ho nyiv hoq aoho caatam wtayin.

Hoqgab nulug ao gvda tolo doonbo nulug Abv hog mwlwho alnam hvbkalam nulvkam hvb alwl niqtuq nyil dooto.

Nulv ‘Vv’ hvma baloqkam ‘Ma’ hvl bitwqto, hoq aob hog bebin baloqkam hv almanbo yal hoqgv haadwn.

“Kolwg nyi tulungv, ‘Vnyiq kwliam vnyiq hoo exy kwliam exib,’ hvl benam mam nulv tankun. Hvbmabde ngo nulam bedwn, nulam hiyv akgon nyimur baloqkam ham ree daqmab, hvbmabde hiyv akgon nyuqm taqcgon pitaq baloqkam nyuqm taqcgon ham kam pitaq mvto.

Noqg vnyiq nyiqbwqkv nam nyic nyim baloqkam ham hargdvl hurpaqto, hoggab noqg gv dorpwngv ui nyookub immam lingsam noqg vnyiq nyiqgwn harpaqnamv alyadwn. Noqg alaq lvqbwqkv nam nyic nyim baloqkam ham pagdvl hurpaqto, hoggab noqg gv dorpwngv ui nyookub immam lingsam noqg all alaqgon papaqnamv alyadwn.