Popular Bible Verses from METIYU 10

Share

“Hengab to! Ngo nulam svca cvvtwg pengko ho sviyangam roolwqnam hvb kanam gviyin. Nulv tvb hvbkalam hvvminl hingkub to hoo yobur hvbkalam nyinyiaqto.

Hiyv lajaqkam mwwg atwg swwgam rvky bov mwv ham niim tayin; hvbmabde hiyv ngoqgab mwwg swwgam niim tayin, mwv ham kaapa tayin.

Yalam mengnyi maanbo, gv vpam mengn boam bos maabv; hvbmabde gv vpam la yalam ui nyooklo twrdy bo Pwnboam bosto.

Hiyv lajaqkam mwwg atwg daapongam jootwl ngoqg lvpia dwqkwb dwqmin gvl kokwb wma baloqkam ngoqg buub mwv kam swwnyiram.

“Hiyv nyiv ngam nyi tulug agalo mwv ngoqg gvk hvl pulum jumdwn, ngo kam mwam ao gvda tolo doonbo Abwg agatol ngoqgv hvl pulum jumtayin. Hvbmabde hiyv nyi akgon ngam nyi tulug agalo haqtayin ngo kam mwam ngoqg Abwg agatol ao gvdalo haqpaq tayin.

Vcboam mwpta, sik boam turdkub purabta, bwswq nyil sita bo nyi tulungam mwpta, ui-oram mam ruqxa ta. Nulv kor jimab kaapa panv, hoqgab nulv hog kor naamab jito.

Hoggab nulv akukam bos maabv, hoggab pwdwngam nulv vigo xibin yaanam hvvtwngv!

“Nulv ngam gvda gvtam swrsomalongam baql jitab haadwn mwwmab. Hvbma; ngo swrsomalongam jitab haama; hvbmabde lyoqr orioqkam jitab haaiyin.