Popular Bible Verses from San Lucas 12

Share

Peẽ kuéra ke peñembosako'i avei, peimo'ã'ỹve jave ou va'erãgui pe kuimba'éicha ou va'ekue yvy ári.

Upéva rehe peheka uvei Tupã Ñandejára reino ha opa ko'ã mba'e oñeme'ẽ vaerã peẽme juapyha ramo.

He'i avei ichupe kuéra: --Pema'ẽke ha peñeñangarekóke opaichagua mba'e pota potavégui; pe kuimba'e rekovekue ko noĩri umi imba'erereko heta rehe.

Pe pene rakate'ỹha oihápe, upépe oĩ vaerã avei pene corazõ.

¿Mávapa peẽ kuérava pe jepy'apy rupi ikatúne oñembopukuve michĩmínte jepe?

Upéi Jesús he'i hemimbo'e kuérape: --Upéva rehe ha'e peẽme: Ani pejepy'apy pende rekove rehe, pe'u vaerã rehe, terã pende rete rehe, pemonde vaerã rehe

Pene akãrague kuéra jepe ojepapapa peteĩ teĩ. Ani pekyhyje; peẽko pende repyeteve heta guyra'ígui.

‘Ani pekyhyje, peẽ che ovecha kuéra; pene mbovy ramo jepe, pende Ru yvága pegua ome'ẽségui ome'ẽ peẽme pe iréino.

Pema'ẽ umi yryvu rehe, ha'e kuéra noñemitỹi ha nomono'õi; ndoguerekói koty omohenda haguã terã oñongatu haguã hembi'u kuerarã; opáichavo, Tupã Ñandejára omongaru ichupe kuéra. ¡Peẽ ko pende repyeteve umi guyra kuéragui!

Upéva rehe ani peiko pejepy'apy pe'u vaerã rehe terã pey'u vaerã rehe.

Ha pe ñana ñu meguápe, ko'ãga oĩva ha ko'ẽramo katu ojeitýva tatakuápe, Tupã Ñandejára upéicha omonde ramo, ¿peẽmema katúpa ani chéne peẽ tekove jerovia sa'i?

Ndaipóri mba'e ñemimby ojehechakuaa'ỹ vaerã; terã ñemiha megua ojekuaa'ỹ vaerã.